महिला भलिबलमा न्यु डायमण्डमाथि शसस्त्र सदैव हावी

पोखरा(खेलाडी न्युज)-शसस्त्र प्रहरी बलले पोखराको भलिबल कोर्टमा शिवम न्यु डायमण्डलाई फेरी एक पटक पराजित गर्दै भलिबलमा आफनो गरिमालाई जोगाईराखेको छ ।

न्यु डायमण्डले दुई सेट आफनो पक्षमा पार्दै अगाडि बढ्यो । न्यू डायमण्डले पहिलो सेट २५–१७ र दोश्रो सेट २५–२० स्कोरले लिदैं निर्णायक सेट जित्ने अभियानमा अग्रसर रह्यो । तर सरस्वती चौधरीको प्रेरणादायी खेलमा शसस्त्र प्रहरी बलले २५–२० र चौथो सेट २५–१६ र अन्तिम सेट १५–१३ को जित्दै न्यु डायमण्डलाई कमजोर नै रहेको सावित गराई छाड्यो ।

ओलिम्पिक दिवसको अवसरमा पोखरा रंगशालास्थित भलिबल प्रशिक्षण केन्द्रमा भएको मैत्रीपूर्ण खेलमा दुबै टोलीको खेलले उपस्थित दर्शकलाई पूर्ण मनोरन्जन दियो । मैत्रीपूर्ण खेलमा खेलको उद्घाटन पोखरा लेखनाथ महानगरपालिकाका मेयर मान बहादुर जिसीले गरे ।

नेपाल भलिबल संघका उपाध्यक्ष एवम कास्की जिल्ला खेलकुद बिकास समितिका अध्यक्ष याम गुरुङको अध्यक्षतामा भएको कार्यक्रममा संघका महासचिब जितेन्द्र बहादुर चन्द, सचिब डिबी नेपाली लगाएतले आलोम्पिक डेको महत्व र सन्दर्भका बारेमा बोलेका थिए । सो अबसरमा भलिबलको गितमा सोसियल पव्लिकका विद्यार्थीले नृत्य प्रस्तुत गरेका थिए । Pic- umesh pun