कोलम्बिायको जितले पोल्याण्ड बाहिरियो

एजेन्सी-कोलम्बियाँसग ३-० गोलअन्तरले पराजयसँगै पोल्याण्ड रसिया विश्वकपबाट बाहिरएको छ । बाहिरिने पहिलो युरोपियन मुुलुक समेत बनेको छ ।

पहिलो हाफमा १-०ले पछि परेको पोल्याण्ड दोस्रो हाफमा थप दुई गोल खाएपछि अंक विहीन हुदैं एक खेल अगावै बाहिरन पुग्यो । यद्यपी पोल्याण्डले अब अन्तिम खेल जापानसँग खेल्ने छ । जापानसँग पहिलो खेलमा पराजित भएको कोलम्बियाले पोल्याण्डलाई हराउँदै अन्तिम १६ मा प्रवेश गर्ने सम्भावनालाई भने जिवितै राखेको छ । अब उसले सेनेगलसँग खेल्ने छ ।

४० औं मिनेटमा यरी मिनाको गोलबाट अग्रता लिएको कोलम्बियाले राडामेल फल्काओले ७० औं मिनेटमा र जुवान काउडराडोले ७५ औं मिनेटमा अर्को गोल थप्दै कोलम्बियाले सहज जित निकाल्दै ३ अंक जोड्यो । जसले दोस्रो चरण प्रवेशको सम्भावनालाई जोगाई राख्यो ।