समूह बिजेतासँगै स्पेन अन्तिम १६ मा

एजेन्सी -समूह विजेता बन्दै पुर्व विश्वकप विजेता स्पेन रसिया विश्वकपको नकाउटचरणमा प्रवेश गर्दा अतिरिक्त समयमा भाग्य लेखियो । दुई पटक पछाडि परेको अवस्थालाई उल्ट्याउँदै स्पेनले अन्तत मोरक्कोसँग बराबरी खेल्दै एक अंक जोडेर अन्तिम १६ भित्र प्रवेश गर्यो ।

दबाव विहीन मोरक्कोले १४ औं मिनेटमा खालिद बाउटायबले गोल गर्दै अग्रता दिलाउँदा स्पेन केही क्षण निराशको स्थितिमा पुग्यो । तर स्पेनका ईश्कोले १९ औं मिनेटमा बराबरी गोल फर्काएपछि पहिलो हाफ १-१ को स्थितिमा टुंगियो ।
खेल सकिन ९ मिनेट अघि युसेफ इएन नेस्यरीले गोल गर्दै मोरक्कोलाई जित तर्फ उन्मुख बनाए ।

तर भाग्यले ९० प्लस १ मिनेटमा सम्भावित हारलाई टार्दै आईआगो एस्पासले गोल गर्दै अंकविहीनको अवस्थाबाट जोगाए । उनको गोलले स्पेनलाई गोलअन्तरमा समूह विजेता बनाउँदै शीर्षस्थानमा रहँदै अन्तिम १६ को यात्रा तय गर्यो ।