बक्सिङ च्याम्पियनसिपको लागि पोखरेली टोली प्रस्थान

- खेलाडी न्युज, पोखरा


     खेलाडी न्युज    
     असार १२ गते २०७५ मा प्रकाशित


पोखरा(खेलाडी न्युज)-काठमाडौंमा बुधबारदेखि शुरु हुने प्रकाश दाहाल स्मृति दिवसको अवसरमा आयोजित बक्सिङ ।
च्याम्पियनसिपको लागि पोखराबाट ९ खेलाडीसहितको टोली प्रस्थान गरेको छ । टोलीमा दुई जना अफिसियल छन् ।

नेपाल बक्सिङ संघ तथा अखिल नेपाल खेलकुद संघको संयुक्त आयोजनामा आयोजित प्रतियोगिताको लागि ४९ केजी तौल समूहमा विष्णु गौतमको सहभागिता रहने छ । केशरबहादुर नेपालीले ५२ केजी, दिनेश गुरुङले पनि ५२ केजी तौलमै प्रतिस्पर्धा गर्ने छन् । दिनेश बानियाले ५६ केजी, रेखसुब्बा गुरुङले ६० केजी तौलमा भिड्ने छन् ।

अनिल थापामगर ६४ केजी, दिपक सुनुवारले ८१ केजी, सुशान पुनले ९१ केजी र मुन्ना गुरुङले ९१ केजी माथिको तौल समूहमा प्रतिस्पर्धा गर्ने प्रशिक्षक लोकबहादुर गुरुङले जानकारी दिए । टिम व्यवस्थापकमा डिल्लीराज पुन रहेका छन् ।