विश्वकप हेर्न पोखरेली टोली रसिया प्रस्थान

- खेलाडी न्युज, पोखरा


     खेलाडी न्युज    
     असार १५ गते २०७५ मा प्रकाशित


पोखरा(खेलाडी न्युज)-रसियामा जारी विश्वकप २०१८ हेर्न पोखराको एक टोली आज काठमाडौंहुदै रसिया प्रस्थान गरेको छ । टोलीमा दुई पत्रकार, चार कास्की फुटबल संघ (एन्फा) का पदाधिकारी र अन्य पाँच सर्वसाधारण गरी ११ सदस्यीय टोली रसिया रवाना भएका हुन् ।

रसिया जाने टोलीमा कास्की एन्फाका अध्यक्ष मिलन गुरुङ, पत्रकार सुरज श्रेष्ठ र बिनोद लामिछाने , एन्फा कास्कीका उपाध्यक्ष विश्व तण्डुकार, महासचिब रमेश कार्की र सदस्य शुवाष गुरुङ रहेका छन् । अन्य फुटबल प्रेमीहरुमा काशी बसेल, प्रकाश गुरुङ, हिमाल गुरुङ, गमबहादुर गुरुङ र सक्षम श्रेष्ठ रहेका छन ।

टोलीलाई कास्की जिल्ला खेलकुद बिकास समितीका अध्यक्ष याम गुरुङ, नेपाल खेलकुद पत्रकार मंच कास्कीका अध्यक्ष केशब पाठक, एन्फा कास्कीका उपाध्यक्ष इश्वर गुरुङ (चन्द्र), एन्फा कास्कीका सदस्य नर गुरुङ र नरेश गुरुङले बिदाइ गरेका थिए । केन्द्रिय एन्फामा नयाँ नेतृत्व परिवर्तन भए संगै फुटबलको महाकुम्भ हेर्ने यस्तो अबसर पहिलो पटक प्राप्त भएको कास्की एन्फाका अध्यक्ष मिलनले बताए । यो अबसरले कास्कीमा फुटबल बिकासमा लाग्नेहरुका लागि ठूलो हौसला समेत मिलेको उनले बताए ।