बेल्जियमको उत्कृष्ट कमब्याक, जापान पराजित

एजेन्सी-उत्कृष्ठ कमव्याक गर्दै बेल्जियमले एशियन जायन्ट जापानलाई रोमाञ्चक खेलमा ३-२ गोलले पराजित गर्दै क्र्वाटरफाईनल प्रवेश गरेको छ । ब्लु सामुरायले दुई गोलको अग्रतालाई जोगाउन नसक्दा अन्तत रसिया विश्वकपको यात्रा क्वाटरफाईनल पुग्नै बन्चित रह्यो ।

४८ औं मिनेटमा जेन्की हारागुचीको गोलबाट अग्रता लिएको जापानले ५२ औं मिनेटमा ताकाशी इनुईको गोलसँगै अग्रता दोब्बर बनायो । तर ६९ औं मिनेटमा जान भेर्टोगेन्नको गोल गर्दै बेल्जियमलाई खेलमा फर्काउने प्रयास गरे । ७४ औं मिनेटमा अर्को गोल गरेपछि बेल्जियम लयमा फर्कियो ।

माउराने फेलानीको गोलसँगै बराबरी गरेको बेल्जियमको भाग्य भने अतिरिक्त समयमा खुल्यो । ९० प्लस ४ मिनेटमा नासेर चादिलले गोल गरेपछि जापानिजको आशामा तुषारापात हुन पुग्यो ।