दुई पुर्व विश्वकप विजेताको क्र्वाटरफाईनल भिडन्त

एजेन्सी-विश्वकपको २१ औं सस्करण रसियामा चलिरहेको छ । अन्तिम आठको खेलहरु आज साँझदेखि शुरु हुदैै छ । सबैलाई चासो र चिन्ता एवं ढुकढुकी बढ्दै गएको छ ।

क्र्वाटरफाईनलमा विश्वकप पुर्व विजेता फ्रान्सले उरुग्वेसँग खेल्ने छ । त्यसपछि पाँच पटकको विजेता ब्राजिलले बेल्जियमसँग खेल्ने छ । उरुग्वेले दुई पटक आफनो नाममा विश्वकप लेखाईसकेको छ । फ्रान्सले पनि एक पटक उचालेर आफनो प्रभुत्वलाई कायमै गरेको छ ।

उरुग्वे र फ्रान्स दवै उत्कृष्ठ छन् । आफनो क्षमता दुवैले लिग र नकाउटचरणमा देखाईसकेका छन् । त्यसैले दुवैले उपाधि होडलाई कायमै राख्न आफनो बलबुता प्रयोग गर्नेमा दुईमत नै छैन् । कमजोरी आज दुवैलाई क्षम्य हुने छैन् ।

फ्रान्सले युवा खेलाडीलाई प्रोत्साहित गरेको छ । तीन गोल गरेको किलियन एमबाप्पे फ्रान्सका लागि प्रभावशाली खेलाडी हुन । उनीसँगै एन्टोनी ग्रिजमन, ओरिभर्ड जिराउड र पाउल पोग्बाको भरमा फ्रान्स रहने छ । उता उरुग्वे भने काभानी र स्वारेजलाई मुख्य हतियारको रुपमा प्रयोग गर्दै जित्ने रणनीति बुन्दै छ ।