मुवाथाई टोली थाईल्याण्ड प्रस्थान

- खेलाडी न्युज, पोखरा


     खेलाडी न्युज    
     श्रावण ५ गते २०७५ मा प्रकाशित


पोखरा(खेलाडी न्युज)-थाइल्याण्डको राजधानी बैंककमा हुने ‘इन्टरनेशनल युनिर्भसिटी मुवाथाई च्यम्पियनसिप’मा सहभागिताका जनाउन नेपाली टोली शनिबार प्रस्थान गरेको छ ।

बिश्वविद्यालयस्तरिय प्रतियोगितामा पहिलो पटक सहभागिता जनाउने टोली शुक्रबार पोखराबाट विदाई गरिएको थियो । मुवाथाई टोलीलाई कास्की जिल्ला खेलकुद बिकास समितीका अध्यक्ष याम गुरुङ, मुवाथाई कास्की जिल्लाका अध्यक्ष अब्राहम खान लगाएतले बिदाई गरेका थिए ।

पश्चिमाञ्चल क्षेत्रीय खेलकुद बिकास समितीका काबा अध्यक्ष एवम नेपाल मुवाथाईका कोषाध्यक्ष सम्पन्न श्रेष्ठको नेतृत्वमा टोली प्रस्थान गरेको हो । टोलीको प्रशिक्षकमा कास्की जिल्ला खेलकुद बिकास समितीका कोषाध्यक्ष दिपकबहादुर गोदार रहेका छन ।

खेलाडी रुपक नेपाली ७३ केजी तौलसमूहमा प्रतिस्पर्धा गर्ने छन् भुपेन्द्र थापा ६५ केजी तौलमा, मन्दिप थापा ७५ केजी माथिको तौल समूहमा भिडन्े छन् । कुमार थापा ५५ केजी तौलमा प्रतिष्पर्धा गर्ने भएका छन । टोलीको अफिसियलमा अजय पराजुली, राजु शिवाकोटी र सूजन क्षेत्री रहेका छन भने रेफ्रीमा बिजय गुरुङ रहेका छन ।  च्यम्पियनसिप साउन ६ देखि १३ गते सम्म आयोजना हुँदैछ । उक्त प्रतियोगितामा ८४ देशको सहभागिता रहने जनाइएको छ ।