शनिबार चौथो माछापुच्छे« प्रदेशस्तरीय बडिविल्डिङ च्याम्पियनसिप

पोखरा(खेलाडी न्युज)-कास्की बडिविल्डिङ तथा फिटनेस संघको आयोजनामा शनिबार चौथो माछापुच्छ«े प्रदेशस्तरीय शारिरीक सुगठन प्रतियोगिता हुने भएको छ । संघले आगामी साउन २६ गते पोखराको सभागृह हलमा प्रतिस्पर्धा गर्ने छ । संघले शारीरिक सुगठनमा हुने प्रि जजिङ र फाईनल एकै दिन शनिबार गर्ने निर्णय गरेको बिहीबार आयोजित पत्रकार सम्मेलनमा जानकारी दिइयो ।

पत्रकार सम्मेलनमा संघका सचिव उमेश सिकेले शुक्रबार खेलाडीको तौल मापन गरी शनिबार नै प्रि जजिङ र फाईनल एकै साथ गरिने बताए । पोखरामा शारीरिक सुगठनको एकै प्रकृतिको प्रतियोगिता एकसाता बीचमा यो दोस्रो हो । एकसाता अघि मात्रै एनएफबीएफ फष्ट मिष्टर पोखरा सम्पन्न भईसकेको छ ।

संघले यसअघि पश्चिमाञ्चलस्तरीय प्रतिस्पर्धा गर्दै आएको थियो । यसै वर्षदेखि भने प्रदेशस्तरीय गर्ने संघका सचिव उमेश सिकको भनाई थियो । उनका अनुसार चौथो मिष्टर माछापुच्छ«ेसँगै पहिलो पटक महिला फिजिक फिटनेस प्रतियोगितामा समेत समावेश गरिएको छ ।

प्रदेशीस्तरीय प्रतिस्पर्धामा दुई प्रदेश (प्रदेश नं ४ र ५ ) का जिल्लाहरुबाट ७० भन्दा बढी खेलाडीहरुले प्रतिस्पर्धा गर्ने उनले बताए । ५५, ६०, ६५, ७०,७५ र ७५ केजी तौलमाथिको समूहमा प्रतिस्पर्धा गराईने छ । ती तौलसमूहबाट प्रथम हुनेले ओभरअलमा प्रतिस्पर्धा गर्न पाउने छन् । ओभर विजेताले मिष्टर माछापुच्छ«ेको टाईटलसहित नगद ५० हजार सहित ट्रफी तथा पदक पाउने छन् । उपविजेताहरुले क्रमश २०, १५, १२,१० र ८ हजार नगद पुरस्कार थाप्ने छन् ।

प्रतियोगितामा नेपालगन्ज, रुपन्देही, कपिलबस्तु, पाल्पा लगायतका जिल्लाबाट समेत खेलाडीको सहभागिता रहने छ ।
छ तौल समूहका दोस्रो र तेस्रो हुने खेलाडीले पनि नगद ६ र ४ हजार रुपैयाँ पाउने छन् । महिला तर्फको प्रतिस्पर्धीलाई नगद प्रथमलाई नगद १० हजार, दोस्रोलाई ८ हजार र तेस्रो हुनेलाई नगद ५ हजारसहित ट्रफी पदक तथा प्रमाणपत्र पाउने संघका सचिव सिकेले जानकारी दिए । महिला तर्फ १० जनाले सहभागिता जनाउने पत्रकार सम्मेलनमा जानकारी दिईयो । प्रतियोगिताको लागि ७ लाख रुपैयाँ खर्च हुने अनुमान गरिएको छ । पोखरामा झण्डै १८ वटा जिम सेन्टर छन् । ती जिम सेन्टरमा विभिन्न उमेर समूहका युवाहरु फिटनेसको लागि जाने गरेका छन् ।