विद्यालस्तरीय भलिबलको उपाधि टप्सलाई,महिला भलिबल शुरु

पोखरा(खेलाडी न्युज)-पोखराको लामाचौरमा आयोजित तीजे मेलाको तेस्रो दिन सोमबारदेखि महिला राष्ट्रिय भलिबल प्रतियोतिगामा काठमाण्डौंको शिव्म न्यु डायमण्ड एकेडेमीले विजयी सुरुवात गरेको छ । लामाचौरमा रहेको इन्द्रराज्य लक्ष्मी माविको खेल मैदानमा भएको उद्घाटन खेलमा न्यू डायमण्डले पोखराको टप्स माविलाइ २५–२२, २५–१७ र २५–१९ को सोझो सेटमा पन्छाउदै जित निकाल्यो । न्यु डायमण्ड गत वर्षको उपविजेता समेत हो ।

डिफेण्डिङ च्याम्पियन सशस्त्र प्रहरी वलको एपिएफले चितवन टाईगरलाई २५–२१, २५–१८ र २५–१४ को सोझो सेटमा पन्छाउँदै आफनो उपस्थितिलाई प्रष्टयायो । पानी परेपछि लिग चरणका अन्य खेलहरु भने स्थगित गरिएको छ । न्यू डायमण्ड र विभागिय टोली त्रिभुवन आर्मी क्लव बीच खेल भईरहँदा पानी परेपछि स्थगित गरिएको खेलकुद संयोजक शुसिलकुमार श्रेष्ठले बताए ।

महिला राष्ट्रिय भलिबल प्रतियोगिताको उदघाटन गर्दै गण्डकी प्रदेशकी सामाजिक विकास मन्त्री नरदेवि पुनले मेला र महोत्सवमा विभिन्न खेलकुद प्रतियोगिता आयोजना हुनुले महिलाहरुको प्रतिभा प्रष्फुटन हुने जिकिर गरिन् । प्रतियोगितामा ५ टिमको सहभागिता रहेको छ । प्रतियोगितामा विजेता टिमले एक लाख रुपैया र दोश्रो हुनेले ६५ हजारको साथमा ट्रफि मेडल प्रमाणपत्र प्राप्त गर्ने भएको संयोजक श्रेष्ठले जनाए । नेपाल पुलिस र जाउखाखेल भलिवल प्रशिक्षण केन्द्र प्रविधिक कारणवश प्रतियोगितामा सहभागि हुन सकेनन ।

अन्तर मावि छात्रा भलिवल प्रतियोगिताको उपाधिको टप्स माविले जितेको छ । सोममबार भएको फाईनल खेलमा टप्सले करुणा निधि फाउण्डेसन (केफ) लाई सोझो सेटमा पराजित गर्दैै उपाधि जितेको हो । विजेताले २५ हजार र उपविजेताले १५ हजार पुरस्कार प्राप्त गरे ।