गण्डकी प्रदेशलाई इलाममा भलिबलको उपाधि

पोखरा(खेलाडी न्युज)-तेस्रो पाथीभरा पुरुष भलिबल प्रतियोगिताबाट सेमिफाईनलिष्ट टोली गण्डकी प्रदेशले इलाममा भने उपाधि उचाल्दै यात्रालाई सुखद बनाएको छ ।

ईलाममा जारी प्रथम ईलाम आमन्त्रित खुल्ला पुरुष नकअउट भलिबलको उपाधि गण्डकी प्रदेशले विजेको हो । गण्डकी प्रदेशले ईन्डियान खेलाडी सम्मिलित विमान ट्रेडस बिर्तामोडलाइ २५-१७ २५-१३ र २५-२१ ले सोझो ३ सेटमा पराजित गरि उपाधि उचाल्यो ।

विजेता गण्डकी प्रदेशले १ लाख ५० हजारको पुरस्कार थाप्यो । गण्डकी प्रदेशको तर्फबाट सन्जु बिक्रम शह टिम कप्तान, राजन दर्लमी मगर,, रबि सेन्चुरी, सुजन चोखल, रुपिन्द्र गैह्रे, हरि पाण्डे, कमल सुनर, काजी केसी र युवराज भण्डारी थिए ।