नाडालमाथि फेडेररको जित

पोखरा(खेलाडी न्युज)-टेनिसका भेट्रान खेलाडी ३७ वर्षिय रोजर फेडेररले स्पेनका राफाल नाडाललाई पराजित गर्दै १२ औं पटक विम्वल्डनको उपाधि निकट पुगेका छन् । दोस्रो बरियताका नाडाल केही महिना अघि मात्रै फेडेररलाई पराजित गर्दै फाईनल सुरक्षित गरेका थिए । उनले १२ औं फ्रेन्च ओपन जित्ने क्रममा फेडेररको चुनौतिलाई पन्छाउँदै फाईनल तय गरेका थिए ।

पहिलो सेट प्रतिस्धर्पात्मक रुपमा टाईब्रेकरमा लिदैं फेडेररले सुखद शुरुवात गरे । ग्राण्डस्लामको १९ औं उपाधिको होडमा रहेका फेडेररले पहिलो सेट ७-६(७-३) ले पराजित गर्दै सुखद नजिता आत्मसात गर्ने संकेत गरे । तीन घण्टा चलको प्रतिस्पर्धाको दोस्रो सेट १-६ ले गुमाउँदै बराबरी गरेपनि नाडाल तेस्रो र चौथो सेटमा भने कमजोर देखिए । तेस्रो सेट ६-३ र चौथो सेट ६-४ मा पराजित हुदैं विम्वल्डनको उपाधि जोगाउने अभियानबाट नाडाल चुके । अब उपाधिको लागि फेडेररले नोभाक जोकोभिचसँग खेल्ने छन् ।