बुटवलको तेस्रो जितसँगै प्ले अफ सम्भाबना बलियो

- खेलाडी न्युज, पोखरा


     खेलाडी न्युज    
     पौष ६ गते २०७६ मा प्रकाशित


पोखरा(खेलाडी न्युज)-आईतबारको दोस्रो खेलमा बुटवल ब्लाष्टर्सले तेस्रो जित निकाल्दै अंक तालिकामा दोस्रो स्थानमा उक्लिएको छ । पहिलो विकेटको लागि ५३ र दोस्रो विकेटको लागि ५१ रनको साझेदारी गरेपछि बुटबल ब्लाष्टर्सले एक्सपर्ट धनगढीले दिएको १४१ रनको चुनौतिलाई १६.४ ओभरमा ३ विकेट गुमाउँदै पुरा गर्यो ।

अफ्ताबुद्धिन अहमद र शंकर रानाले पहिलो विकेटको लागि ५३ रनको साझेदारी गरे । व्यक्तिगत २५ रनमा शंकर आउट हुनुअअघि हर्श टंकसँग दोस्रो विकेटको लागि ५२ रनको साझेदारी निभाए । अहमदले अर्धशतीयक पारी खेले । उनले २३ बलमा ५२ रन हिर्काउने क्रममा १ चौका र ७ छक्का हिर्काए । टंकले २१ बल खेले । ३ चौका र ४ छक्का हिर्काउँदै ४० रन बनाए । शंकरले पनि ३१ बल खेल्दै ३ चौका स्कोरमा चढाए । शिव्म सिंह र भीम सार्की क्रमश १५ र ७ रनमा अविजित रहे ।

टस जितेको बुटवलले दोस्रो इनिङमा व्याटिङमा उत्रियो । एक्सपर्ट धनगढीले ६ रन बनाउने क्रममा दुई विकेट गुमायो । ओपनरद्वय सुभेन्दु पाण्डेलाई १ र रोड्रिगो थोमसलाई ५ रनमै गुमाएपछि कप्तान दिपेन्द्रसिंह ऐरीले कप्तानी इनिङ्स खेले । उनले अविनाश बोहोराको बलमा शंकर रानाको हातबाट क्याच हुनु अघि ६१ रनको योगदान गरे । ४५ बल खेले । ६ चौका र २ छक्का हिर्काए । ऐरीले सन्दीप जोरासँग ८७ रनको साझेदारी गरे ।

सन्दीप रिजाललाई शून्य रनमै गुमाएपछि ऐरी र जोराले चौथो विकेटको लागि ८७ रनको महत्वपूर्ण साझेदारी गरेका हुन् । जोराले ३२ बलमा ३९ रन बनाउने क्रममा ४ चौका र १ छक्का हाने । सौरभ खनाल १०, अमित यादव ७ र कमलसिंह ऐरी १ रनमा आउट भएका थिए । अविनाश बोहोराले ३.५ ओभरमा २६ दिएर ४ विकेट लिए । ललित भण्डारीले ४ ओभरमा १९ रन दिएर ३ विकेट झारे । बोहोरा म्यान अफ दि म्याच घोषित भए ।