पोखराका गोपी र धरम जोडी ४५ माथिको डबल्स च्याम्पियन

पोखरा(खेलाडी न्युज)-कास्की जिल्ला टेनिस संघको आयोजना तथा माछापुच्छ्रे बैंकको मुख्य प्रायोजनमा जारी १७ औं संस्करणको प्रतियोगिता अन्र्तगत मेन्स डबल्समा संरक्षक भुषण बज्राचार्य र नविन मगरको जोडीले बाजी मा¥यो । प्रदिप खड्का र प्रणव खनालको जोडीमाथि ६–३, ६–३ को सहज नतिजा निकाल्दै संरक्षक जोडीले उपाधी रक्षा गरेको हो ।
प्रतियोगिताको भेट्रान्सतर्फ ३५ वर्ष माथि डबव्स उपाधी राजु श्रेष्ठ (काठमाण्डौ) र कमल भण्डारीको जोडीले जितेको छ । सिमान्त गुरुङ्ग र राजु श्रेष्ठ (गोरखा) जोडीलाई ६–१, ४–६ र सुपरटाईमा १०–६ को कठिन जित निकाल्दै राजु जोडीले सो उपाधीमा आफ्नों नाम लेखाएका हुन् ।

४५ वर्ष माथिको डबल्स उपाधी भने पोखरेली खेलाडीद्वय गोपीबहादुर भट्टराई र धरमबहादुर लामिछानेको नाममा रहयो । फाइनलमा गोपी जोडीले मनोज राणा र विमल गुरुङ्गको जोडीमाथि ६–३ र ७–६ को नतिजा निकालेका थिए । यसअघि गोपी ४५ वर्ष माथिको एकल सेमिफाइनलमा विमल गुरुङ्गसंग ६–३, ६–३ को सेटमा पराजित भएका थिए । सोही उमेर समुहको अर्को सेमिमा चन्द्र शाहीले अनु जोनमाथि ६–१, ६–० को नतिजा निकाल्दै अन्तिम दुईमा आफ्नों स्थान सुरक्षित पारेका थिए ।

५५ वर्ष माथिको डबल्समा कमल थापा र झ्याम्पा ढुण्डुप जोडी च्याम्पियन बन्यो । थापा जोडीले समिर शेरचन र अनिल तुलाचनसंगको अन्तिम चुनौती ७–६ र ६–२ ले पार लगाएका हुन् । ६५ वर्ष माथि डबल्स उपाधी दिपक श्रेष्ठ र ज्ञानेन्द्र ताम्राकारको जोडीले जितेको छ । फाइनलमा विष्णु गुरुङ्ग र मेजर लक्ष्मीप्रसाद गुरुङ्गको जोडीलाई ४–०, ४–० ले पराजित भए ।