ईपिएलको खेल तालिका सार्वजनिक

- खेलाडी न्युज, पोखरा


     खेलाडी न्युज    
     फागुन १५ गते २०७६ मा प्रकाशित


पोखरा(खेलाडी न्युज)-दुईसाता पछि एभरेष्ट प्रिमियर लिग फ्रेन्चाईज क्रिकेट प्रतियोगिता शुरु हुदैै छ । नेपालमा आयोजना हुने फ्रेन्चाईज लिग क्रिकेटमा यो सबैभन्दा ठूलो धनराशीको हो । काठमाडौंमा आयोजना हुने प्रिमियर लिगको खेल तालिका समेत सार्वजनिक गरिएको छ । उदघाटन खेल पोखरा राईनोजले ललितपुर प्याट्रीट्स बीच हुने छ ।

मार्च १४ गतेदेखि शुरु हुने छ । १५ मार्चमा विराटनगर वारियर्सले चितवन टाईगर्ससँग प्रतिस्पर्धा गर्ने छ भने दोस्रो खेल भैरहवा ग्लाडियटर्सले काठमाडौ) किग्स ११ सित खेल्ने छ । मार्च १९ लाई आरामको दिन तोकिएको छ । मार्च २७ लाई पनि आराम दिनको रुमपा राखिएको छ ।

मार्च २४ मा क्वालिफायरको लागि प्रतिस्पर्धा हुने छ । २५ मार्चमा एलिमेनेटोरको प्रतिस्पर्धा र २६ मार्चमा दोस्रो क्वालिफायर प्रतिस्पर्धा हुन्ेछ । त्यसपछि २८ मार्चमा फाईनल प्रतिस्पर्धा हुने खेल तालिका तय गरिएको छ । लिगमा अन्तिम खेल पोखरा राईनोजले चितवन टाईगरसँग खेल्ने छ ।