आर्सनलमाथि लिभरपुलको पुनरागमन जित

- खेलाडी न्युज, पोखरा


     खेलाडी न्युज    
     असाेज १३ गते २०७७ मा प्रकाशित


गोल गरेपछि खुशी मनाउँदै लिभरपुलका खेलाडीहरु ।


एजेन्सी-प्रिमियर लिग अन्तर्गत लिभरपुलले आर्सनलमाथि ३(१ गोलको नजिता निकालेको छ । उत्कृष्ठ पुनरागन गर्दै लिभरपुलले महत्वपूर्ण जित निकाल्दै तीन अंक जोड्यो ।

पहिलो गोल आर्सनलले सम्भव बनायो । खेलको २५ औं मिनेटमा गोल गर्दै अग्रता कायम गरेको थियो । अलेक्जेण्डर लाजाकाट्टेले गोल गर्दै अग्रता दिलाएको खुशी केवल तीन मिनेट मात्रै रह्यो ।

२८ औं मिनेटमा लिभरपुलका सादियो मानेले गोल गर्दै लिभरपुल खेलमा फर्कियो । त्यसपछि एण्डी रोबर्टसनले ३४ औं मिनेटमा गोल गर्दै लिभरपुलले अग्रता कायम गर्यो । ८८ औं मिनेटमा डियागो जोटाले अन्तिम गोल गरे । लिभरपुलमा आएसँगै उनले आफनो छवि प्रष्टयाईसकेको छ ।