काराबाओ कप, चेल्सी र टोटनह्याम भिड्दै

- खेलाडी न्युज, पोखरा


     खेलाडी न्युज    
     असाेज १३ गते २०७७ मा प्रकाशित


टोटनह्याम


एजेन्सी-इंग्लिस काराबाओ कप अन्तर्गत मध्यरातमा चेल्सीले टोटनह्यामसँग प्रतिस्पर्धा गर्ने छ । कपको चौथो चरण अन्तगर्त बुधबार विहान हुने प्रतिस्पर्धामा यी दुई आमने सामने हुने छन् । नयाँ सिजनको शुरुवातसँगै दुईको खेल निकै रोमाञ्चक र प्रतिस्पर्धात्मक हुने अपेक्षा गरिएको छ ।

दुवैको प्रतिस्पर्धालाई नियाल्दा चेल्सीलाई पूर्व खेलाडी फ्रयांक लाम्पार्डले हेरिरहेका छन् । टोटनह्याम भने पोर्चुगिच प्रशिक्षक जोसे मोरिन्होको प्रशिक्षणमा छ । दुईवै प्रतिस्पर्धालाई हेर्दा गत फेब्रुअरी २०२० मा भएको प्रतिस्पर्धामा चेल्सीले टोटनह्यामलाई २-१ गोलले पराजित गरेको थियो ।

अघिल्लो सिजनमा पनि टोटनह्यामलाई चेल्सीले २-० ले पराजित गरेको थियो । कारााबाओ कप अन्तर्गत पनि गत सिजनको प्रतिस्पर्धामा चेल्सीले २-१ गोलले पराजित गर्दा टोटनह्यामले जनवरी २०१९ मा भने चेल्सीलाई १-०ले पराजित गरेको थियो ।प्रिमियर लिगको सिजनमा भने दुवै समान ४ अंकमा छन् ।