युक्रेनविरूद्ध विश्व विजेता फ्रान्सको फराकिलो जित

- अन्तर्राष्ट्रिय मैत्रिपूर्ण खेल

- खेलाडी न्युज, पोखरा


     खेलाडी न्युज    
     असाेज २२ गते २०७७ मा प्रकाशित


एजेन्सी, असोज २२ । विश्वकप विजेता फ्रान्सले बुधबार राति युक्रेनसँगको अन्तर्राष्ट्रिय मैत्रिपूर्ण खेलमा ७–१ को फराकिलो जित निकालेको छ ।

फराकिलो जित निकाल्दा फ्रान्सले ६ गोल गर्दा एक गोल उपहार पाएको थियो । आपसी तालमेल नमिल्दा एक गोल खान पुगेको थियो ।

फ्रान्सका लागि ओलिभर जिरउडले २४ र ३४ औँ मिनेटमा गोल गरे । कामाविन्गाले ९, तोलिसोले ६५ औँ, केलियन एमबाप्पेले ८२ औँ तथा एन्टोनी ग्रिजम्यानले ८९ औँ मिनेटमा गोल गरे ।

युक्रेनका लागि सीगान्कोभले ५३ औँ मिनेटमा गोल गरे । ३९ औँ मिनेटमा युक्रेनका माइकोलेन्कोले आत्मघाती गोल गरेका हुन् । ३४ वर्षका जिरउडले फ्रान्सका लागि १०० औँ खेलमा ४१ र ४२ औँ गोल गरेका हुन् ।

बुधबार राति भएका खेलमा इटालीले माल्डोभालाई ६–० ले पराजित गरेको छ । यस्तै डेनमार्कले फारोइ आइल्याण्डलाई ४–०, चेक गणतन्त्रले साइप्रसलाई २–१, लिथुवानियाले इस्टोनियालाई ३–१, माल्टाले जिब्रालटारलाई २–० तथा लिचेस्टाइनले लग्जेम्बर्गलाई २–१ ले पराजित गरेको छ ।