कास्की भलिबल संघका संस्थापक अध्यक्ष बस्नेतको निधन

- खेलाडी न्युज, पोखरा


     खेलाडी न्युज    
     असाेज २५ गते २०७७ मा प्रकाशित


भलिबल संघ कास्कीका संस्थापक अध्यक्ष उदयबहादुर बस्नेत


पोखरा-नेपाल भलिबल संघ कास्कीका संस्थापक अध्यक्ष उदयबहादुर बस्नेतको आईतबार दिउँसो ६८ वर्षको निधन भएको छ । २०३८ मा आयोजित पहिलो राष्ट्रिय खेलकुद प्रतियोगिता अघिसम्म बस्नेत भलिबलका सक्रिय खेलाडी हुन् । उनको निधनले खेलकुद क्षेत्रमा अपूरणिय क्षति भएको छ ।

सक्रिय खेल जमिनपछि बस्नेतले कास्की जिल्ला भलिबल खेलको विकास विस्तारको लागि संस्थापक अध्यक्ष बन्दै भलिबलको जग बलियो बनाउने अभियान शुरु गरेका थिए । लामो समयदेखि मिर्गौला पीडित थिए । पोखराको फुलबारीस्थित मणिपाल शिक्षण अस्पतालमा आईतबार विहान मात्रै डायलोसिस गरेर घर फर्किएका ६८ वर्षिय बस्नेतको निधन भएको हो ।

२०३८ सालमापछि सक्रिय खेल जीवन त्यागेका थिए । २०३७ सालसम्म बस्नेतले पोखराको पृथ्वीनारायण क्याम्पसमा आयोजित अन्तरक्याम्पस भलिबल प्रतियोगिता खेलेको पूर्व राष्ट्रिय खेलाडी हरि पराजुलीले जानकारी दिए । बस्नेत सक्रिय खेल जीवन त्यागेपछि २०५८ सालमा कास्की जिल्ला भलिबल संघको संस्थापक अध्यक्षको जिम्मेवारी सम्हालेका थिए ।

दुई कार्यकाल जिल्ला खेलकुद विकास समिति कास्कीका अध्यक्ष समेत बनेका थिए । २०५२÷५३ र २०५४÷०५४ मै दुई कार्यकाल खाएका थिए । दुई कार्यकाल गरी केवल नौ महिनाको समय मात्रै अध्यक्षको सम्हालेका थिए । बस्नेत पोखरा महागनरपालिका १६ का पूर्व वडाध्यक्ष समेत हुन् ।

बिएडसम्मको अध्ययन गरेका बस्नेत नेपाल कम्युनिष्ट पार्टी आबद्ध हुन् । २०४९ सालमा भएको निर्वाचनमा पोखरा–१६ का निर्वाचित वडाध्यक्ष समेत हुन् । विभिन्न विद्यालयमा पठन पाठन समेत गराएका थिए । विद्यालय पठन पाठनकै समयमा विद्यालय निरिक्षक भई विभिन्न जिल्ला भ्रमण समेत गरेका थिए । उनको आईतबार नै सेतीनदीस्थित तुलसी घाटमा अत्येष्टी गरिएको छ । २०७५ सालमा उनी नेपाल सरकरबाट जनश्री पाँचौबाट विभुषित भएका थिए । श्रीमती तथा दुई छोरा र दुई छोरी छन् ।