इंग्ल्याण्डले जित्दा फ्रान्स र पोर्चुगल बराबरी

- नेसन्स लिग

- खेलाडी न्युज, पोखरा


     खेलाडी न्युज    
     असाेज २६ गते २०७७ मा प्रकाशित


पेनाल्टी प्रहार गर्दै रासफोर्ड ।

एजेन्सी-नेसन्स लिगमा इग्ल्याण्डले कमब्याक गर्दै बेल्जियम माथि २-१ गोलले पराजित गरेको छ । पहिलो हाफमै दुवै टोलीले पेनाल्टी पाउँदा खेल पहिलो हाफ बराबरीमा टुंगिएको थियो ।

पहिलो पेनाल्ट बेल्जियमले पायो । इन्टर मिलानका फरवार्ड रोमेलु लुकाकुले गोल गर्दै बेल्जियमलाई अग्रता दिलाए । १६ औं मिनेटमा पेनाल्टी पाएको थियो । पहिलो गोलले अग्रता लिएको बेल्जियमको खुशी पेनाल्टीमै गएर निराशमा परिणत हुन पुग्यो ।

इग्ल्याण्डले पनि उस्तै गरी पेनाल्टी पाउँदा बराबरी गोल गर्यो । ३९ औं मिनेटमा मार्कस रासफोर्डले पेनाल्टीमा गोल गर्दै बराबरीमा ल्याए । पहिलो हाफमा पेनाल्टी मार्फत बराबरी गर्दै खेल प्रतिस्पर्धात्मक हुन पुग्यो । तर दोस्रो हाफमा भने इग्ल्याण्ड हावी भयो । ६४ औं मिनेटमा मासन माउण्टले गोल गर्दै इग्ल्याण्डलाई जित दिलाए ।

केईरन ट्रिपियर मिलाईदिएको हेडिंग पासलाई सदुपयोग गर्दै मानसले गोल गर्दै इग्ल्याण्डलाई जित दिलाएका हुन् । समूहमा इग्ल्याण्ड शीर्ष स्थानमा छ । अर्को खेलमा फ्रान्स र पोर्चुगल बीच गोलरहित बराबरीमा टुंगिएको छ । इटाली र पोल्याण्ड पनि गोलरहित बराबरीमा टुंगिएको छ ।