एटलान्टामाथि नापोलीको फराकिलो जित

- खेलाडी न्युज, पोखरा


     खेलाडी न्युज    
     कार्तिक १ गते २०७७ मा प्रकाशित


एयरबल हेडिंग गर्ने प्रयास गर्दै ।

एजेन्सी-इटालियन सिरी ए अन्तर्गत शनिबार भएको प्रतिस्पर्धामा नापोलीले एटलान्टालाई ४-१ गोलले पराजित गरेको छ । युभेन्ट्ससँगको खेलमा अनुपस्थिति भएपछि तीन अंक गुमाएको नापोलीले एटलान्टामाथि सहज जित निकाल्दै तीन अंक जोड्यो ।

नापोलीले एकपक्षीय नजिता निकाल्ने क्रममा चारै गोल पहिलो हाफमै सम्भव बनाएको थियो । हिर्भिङ लोजानोले दुई गोल गरे । पहिलो हाफको २३ औं मिनेटमा उनले व्यक्तिगत गोल गरेका थिए । दोस्रो गोल पनि उनकै नाममा रह्यो ।

उनले व्यक्तिगत दोस्रो गोल २७ औं मिनेटमा गर्दै अग्रतालाई दोब्बर बनाए । तेस्रो गोल भने माटोओ पोलिटानोले गरे । उनले ३० औं मिनेटमा गोल गर्दै अग्रतालाई तेब्बर बनाए । पहिलो हाफ हुनुभन्दा दुई मिनेट अघि मात्रै भिक्टोर ओसिमहेनले गरेका थिए ।

पहिलो हाफमै चार गोलले पछि परेको अवस्थामा एटलान्टाले दोस्रो हाफमा भने सान्त्वना गोल फर्कायो । ६९ औं मिनेटमा साम लार्मेसले गोल गर्दै एटलान्टाको लागि सान्त्वना बनाए ।