सनराईजलाई १६४ रनको लक्ष्य

- खेलाडी न्युज, पोखरा


     खेलाडी न्युज    
     कार्तिक २ गते २०७७ मा प्रकाशित


एयरमा क्याच गर्दै ।

अबुधावी-अबुधावीको जायद क्रिकेट मैदानमा आईतबार आईपिएलमा कोलकोत्ताले सनराईजलाई मध्यम लक्ष्य दिएको छ । सुभम गिल र राहुल त्रिपाठीले पहिलो विकेटको लागि ४८ रनको साझेदारीमा टुटेपछि कोलकत्ताले ५ विकेटको क्षतिमा १६४ रनको लक्ष्य प्रस्तुत गरेको हो ।

टस हारेर व्याटिंगमा उत्रिएको कोलकोत्ताले पहिलो विकेटको रुपमा राहुल त्रिपाठीलाई २३ रनमै गुमाएको कोलकोत्ताले सुभम गिल पनि ३६ रनबाट अघि बढ्न सकेनन् । आन्द्रे रसेलको यो खेलमा पनि प्रभावकारी देखिएनन् ।

उनले केवल ९ रनमै क्रिज छाडेर प्लेयर बक्समा आरामको लागि आईपुगे । नीतिश रानाले पनि २९ रन बनाई खेल्ने क्रममा विजय शंकरको बलमा क्याच आउट हुन पुगे । चार ओभरमा सबैभन्दा बढी डट बल विजय शंकरको नाममा रह्यो । उनको चार ओभरमा १३ बल डट हुन पुग्यो ।

ईओइन मोर्गानले ३४ रनको योगदान दिए । दिनेश कार्तिकले २९ रन बनाए । मोर्गानले नटआउट ३४ रनको योगदान दिने क्रममा २३ बल खेल्दै तीन चौका र १ छक्का हिर्काए । कार्तिकले २९ रन बनाउने क्रममा १४ बल खेल्दै २ चौका र २ छक्का हिर्काएका थिए । टी नतराजनले दुई विकेट लिएका थिए ।