राजस्थान रोयल्स ८ विकेटले पराजित

- खेलाडी न्युज, पोखरा


     खेलाडी न्युज    
     कार्तिक ७ गते २०७७ मा प्रकाशित


खेल सकिएपछि हात मिलाउँदै राजस्था र सनराईजका खेलाडीहरु ।

दुबई(एजेन्सी)-सनराईज हैदरावाद राजस्थान रोयल्सलाई ८ विकेटले पराजित गर्दै आईपिएलको प्ले अफको सम्भावनालाई जिवितै राखेको छ । यद्यपी सनराईज ८ अंकसहित अंक तालिकामा पाँचौ स्थानमा छ । राजस्थान रोयल्सले दिएको १५४ लक्ष्यलाई सनराईजले २ विकेटको क्षतिमा १५६ रन बनाउँदै पुरा गर्यो । जितले प्ले अफ सम्भावनाको रहेको छ । अब केवल चार चरणका खेलहरु बाँकी छन् ।

गएराती भएको प्रतिस्पर्धामा मनिष पाण्डे र विजय शंकरले नटआउट क्रमश ८३ र ५२ रन बनाएपछि सनराईजले सम्भावित जितलाई सहज बनाएको थियो । पाण्डेले अविजित ८३ रन हिर्काउने क्रममा ४७ बल खेल्ने ४ चौका र ८ छक्का हिर्काउँदै जितको आधार तयार पारेका थिए । शंकरले ५१ बल खेल्ने क्रममा केवल ६ चौका मात्रै हाने ।

कप्तान डेविन वार्नर र जोनी बेरिष्टोलाई सस्तैमा गुमाएपछि इनिंग सम्हाल्ने जिम्मेवारी पाण्डे र शंकरको काँधमा थियो । उनीहरुको जोडीले जितको लक्ष्य पुरा गरिदिए । वार्नर ४ रनमा पभेलियन फर्किदाँ बेरिष्टोले पनि १० रन भन्दा माथि बनाउन सकेनन् ।

राजस्थानले सन्जु सामसन र बेन स्टोक्सको ३६ र ३० रनको योगदानमा १५४ रनको योगफल तयार पारेको थियो । ओपनर रविन उथप्पाले १९ रन बनाई आउट भए । बेन स्टोक्सले व्यक्तिगत ३० रनमा पभेलियन फर्किएपछि सन्जु सामसन क्रिजमा टिकिरहनुपर्ने देखियो ।

तर उनी पनि ३६ रनमै आउट भएपछि राजस्थानले मध्यम लक्ष्य दिने तर्फ उन्मुख हुदैं गएको थियो । स्टेभ स्थितले १९ र रियान परागले २० रन बनाए । जोफ्रा आर्चरले पनि १६ रनमा अविजित रहे । जासन होल्डरले ३३ रन खर्चिएर ३ विकेट लिए ।