चेन्नईसँग बैंग्लोर ८ विकेटले पराजित

- रुतुराजको अविजित ६५ रन

- खेलाडी न्युज, पोखरा


     खेलाडी न्युज    
     कार्तिक ९ गते २०७७ मा प्रकाशित


चेन्नईसँग पराजित भएपछि निराश मुद्रामा विराट कोहली ।

दुबई(एजेन्सी)-चेन्नई सुपरकिंग्सले रोयल च्यालेन्ज बैंग्लोरलाई ८ विकेटले पराजित गरेको छ । आईपिएलको आईतबार साँझ भएको प्रतिस्पर्धामा १४६ रनको लक्ष्य पछ्याएको चेन्नईका लागि रुतुराज गाएकवाडले अविजित ६५ रनको योगदान दिएपछि सहज लक्ष्य पछ्याएको थियो ।

ओपनर रुतुराजले ५१ बल खेल्दै चार चौका र तीन छक्का हिर्काउँदै ६५ रन जोडेपछि चेन्नईको जितमा महत्वपूर्ण योगदान रह्यो । फाफ डु प्लेसिसले २५ र अम्बाती रायदु ३९ रन बनाउँदै महत्वपूर्ण योगदान दिन कप्तान महेन्द्र सिंह धोनीले १९ रन बनाए ।

पहिले व्याटिंगमा उत्रिएको रोयल्स च्यालेन्ज बैंग्लोरले ६ विकेटको क्षतिमा १४५ रन बनाएको थियो । कप्तान विराट कोहलीले अर्धशतक पुरा गरे । ४३ बल खेल्दै ५० रन बनाएको कोहली साम कुरुनको बलमा आउट भए ।

ओपनर देवदत्त पड्डीकल र आरोन फिन्चले क्रमश २५ र १५ रन बनाए । एबी डि भिलियर्सले ३९ रन बनाएका थिए । उनी दिपक चाहरको बलमा आउट भएपछि अन्य व्याट्सम्यान भने सस्तैमा पभेलियन फर्किए । साम कुरुनले ३ र दिपक चाहरले २ विकेट लिएका थिए ।