सबैखाले प्रतियोगितामा लिभरपुलले पुरा गर्यो १० हजार गोल

- खेलाडी न्युज, पोखरा


     खेलाडी न्युज    
     कार्तिक १२ गते २०७७ मा प्रकाशित


लिभरपुलका लागि गोल गरेपछि खुशीको एक्सनमा जोटा ।

-एजेन्सी-डियागो जोटा र मोहम्मद सलाहले युरोपियन च्याम्पियन्स लिगमा हिर्काएको गोलसँगै लिभरपुलले १० हजार गोलको आँकडा पुरा गरेको छ । क्लबकै इतिहासमा सबैखाले प्रतियोगितामा लिभरपुलले १०,००१ गोल गरेको हो ।

लिभरपुलको १२८ वर्षको इतिहासमा यहाँसम्म आईपुग्दा ऐतिहासिक कोशेढुंगा पुरा गरेको हो । सन १८९२ मा ल्यान्काशेर लिग खेलमा ज्याक स्मिथलेपहिलो गोल गरेको इतिहास छ ।

जोटाले ५५ औं मिनेटमा गरेको गोलसँगै लिभरपुलले १० हजार गोल संख्या पुर्याएको हो । यो लिभरपुलको लागि ऐतिहासिक क्षण समेत थियो । लिभरपुलले पनि एफसी मिडट्जील्याण्डलाई पराजित गर्न दुवै गोल दोस्रो हाफमा सम्भव बनाएको थियो ।