सिटीको जितमा वाकेरको निर्णायक गोल

- खेलाडी न्युज, पोखरा


     खेलाडी न्युज    
     कार्तिक १५ गते २०७७ मा प्रकाशित


गोल गोलगरेपछि सिटीका खेलाडीहरु खुशी साट्दै ।

एजेन्सी-कायली वाकरको निर्णायक गोलमा ईंग्लिस प्रिमियर लिगमा म्यानचेष्टर सिटीले सेफिल्ड युनाईडलाई शनिबार राती १- ० गोलले पराजित गरेको छ ।

सिटीका भरपर्दा मिडफिल्ड केभिन डी ब्रुनेको पासमा वाकरले निर्णायक गोल गरेका हुन् । उनले खेलको २८ औं मिनेटमा दायाँ खुट्टाले हानेको बल पोष्टभित्र छिरेपछि सिटीले अग्रता लिएको थियो ।

३९ औं मिनेटमा सेफिल्डका रियान बे्रष्टरले हानेको हेडिङ खेर गएको थियो । उनलाई सान्डर बर्गेले मिलाईदिएको पासलाई सदुपयोग गर्न सकेनन् ।

४९ औं मिनेटमा सिटीले अग्रता दोब्बर बनाउने अवसर गुमायो । बु्रनेको पासमा रहिस स्टार्लिङले हानेको बल डिफेन्सले रोकेका थिए । ५८ औं मिनेटमा रियाद महारेजको प्रहारलाई सेफिल्डका गोलकिपरले बचाउ गरेका थिए ।

जोहान लुण्ड्स्ट्रामले मिलाईदिएको पासलाई रियान बे्रष्टरको प्रहार पनि ७१ औं मिनेटमा खेर गएपछि सेफिल्डले बराबरी गर्ने अवसर गुमाउन पुग्यो । ८४ औं मिनेटमा बर्नर्डो सिल्भाको हानेका सिधा बल गोलकिपरकै हातमा पुगेपछि सिटीको थप अग्रता लिनबाट चुक्यो । महारेजले पास मिलाईदिएका थिए । सेफिल्डले टोटनह्यामसँग खेलमा ३(३ गोलको बराबरी खेलेको थियो ।