प्रतिस्पर्धात्मक खेलमा रियाल मड्रिडलाई सफलता

- खेलाडी न्युज, पोखरा


     खेलाडी न्युज    
     असाेज १५ गते २०७७ मा प्रकाशित


Real madrid

एजेन्सी-पछिल्लो पाँच पटक आमने सामने भईसकेको रियल मड्रिडले रियल भालाडोलिडलाई १-० ले पराजित गरेको छ । बिहीबार विहान भएको प्रतिस्पर्धामा रियलका लागि भिनिकस जुनियरको निर्णायक गोलसँगै रियलले तीन अंक जोड्यो ।

तीन अंकसँगै शीर्षस्थानका अन्य क्लबसँग समान ७ अंक बनाएको छ । अधिकांश खेलाडी चोटयुक्त भएको रियल मड्रिडले युवा खेलाडीहरुलाई मैदानमा उतारेको थियो । भाला डोलिडसँगको खेलमा रियल भने पराजित भएको छैन् ।

पछिल्लो पाँच भेटमा दुई बराबरी र तीन रियलले जित आत्मसात गरेको छ । खेलको ६५ औं मिनेटमा जुनियरले गोलको खुशीयाली मनायो । पहिलो हाफ गोलरहित टुंगिएको थियो ।

पहिलो हाफमा मड्रिड र भालाडोलिडले केही अवसर भने पाएका थिए । यद्यपी दुवैले सदुपयोग गर्न नसकेपछि गोलरहित टुंगिएको थियो ।