डर्टमण्डलाई पराजित गर्दै वार्यनले जित्यो जर्मन सुपर कप

वार्यन म्युनिखका खेलाडी जर्मन सुपर कपको उपाधि उचाल्दै ।

एजेन्सी-च्याम्पियन्स लिग विजेता वार्यन म्युनिखले जर्मन सुपर कपको उपाधि उचालेको छ । गएराती भएको फाईनलमा बोरुसिया डर्टमण्डलाई ३-२ गोलले पराजित गर्दै म्युनिखले उपाधि उचालेको हो ।

खेलको १८ औं मिनेटमा कोरिन्टन टोलिसोले वार्यनका लागि पहिलो गोल गरे । पहिलो गोलसँगै हौसिएको वार्यनले दोस्रो गोल भने पहिलो हाफमै सम्भव बनायो । थोमस मुलरले ३२ औं मिनेटमा गर्दै दोब्बार बनायो ।

पहिलो हाफ हुनु भन्दा ६ मिनेट अघि मात्रै डर्टमण्डले गोल फर्कायो । ३९ औं मिनेटमा जुलियर बर्नाटले गोल गरेपछि डर्टमण्ड खेलमा फर्किने संकेत देखायो । यदपी पहिलो हाफ भने २-१ को स्थितिमा रह्यो ।

दोस्रो हाफ प्रतिस्पर्धात्मक रह्यो । इर्लिङ हालाण्डले ५५ औं मिनेटमा गोल गर्दै बराबरीसँगै डर्टमुण्ड खेलमा फर्कियो ।

तर अन्तिम समयमा सम्हालिन नसक्दा वार्यनले अर्को गोल थप्दै उपाधि पक्का बनायो । ८२ औं मिनेटमा जोसुवा किमिचले गोल गर्दै वार्यनलाई उपाधि दिलाए ।