काराबाओ कप, लिभरपुल पेनाल्टी सुटआउटमा पराजित

Arsenal # Quaterfinal#carabao cup

एजेन्सी-तेस्रो चरणको काराबाओ कपमा आर्सनलले लिभरपुललाई पराजित गर्दै तीन अघि प्रिमियर लिगमा हारको बदला लिएको छ। शुक्रबार विहान भएको प्रतिस्पर्धा आर्सनलले पेनाल्टी सुटआउट(सडन डेथ)मा ५-४ गोल अन्तरले पराजित गर्दै क्र्वांटरफाईनल प्रवेश गरेको हो ।

निर्धारित समय र थपिएको समयमा गोलरहित टुंगिएपछि खेलको निर्णय पेनाल्टी सुटआउटमा पुग्यो । पेनाल्टी सुटआउमा लिभरपुलका दुई खेलाडीको पेनाल्टी खेर गएपछि आर्सनलले जित्यो । आर्सनलका लागि एक खेलाडीले पेनाल्टी सुटआउटमा बाहिर फालेका थिए ।

५-५ पेनाल्टी प्रहारमा दुवैको एक एक पेनाल्टी सुट खेर गएको थियो । निर्णायक पेनाल्टी(सडन डेथ)मा भने आर्सनलले गोल गर्दा लिभरपुलका ह्यारी विल्सनको पेनाल्टी गुमेपछि आर्सनलले जितको खुशी मनायो । आर्सनलका लागि निर्णायक पेनाल्टी जोसेप विलकले गोल गरेका थिए ।

पेनाल्टी सुटआउटमा आर्सनलका मोहम्मद एल्नेनी र लिभरपुलका डिभोच ओरिगीले गोल गर्नबाट चुकेका थिए ।