सिरी ए, रोमाको जितमा पेड्रोको निर्णायक गोल

- खेलाडी न्युज, पोखरा


     खेलाडी न्युज    
     असाेज १८ गते २०७७ मा प्रकाशित


Pedro, AS ROMA

एजेन्सी-पेड्रोको निर्णायक गोलसँगै एएस रोमाले इटालियन सिरीमा युडिनेजलाई १-० गोलले पराजित गरेको छ ।

पेड्रोले ५५ औं मिनेटमा निर्णायक गोल गरेपछि रोमाले जितसँगै तीन अंक जोड्दै अंक तालिकामा आठौंमा उक्लिएको छ ।

पहिलो हाफ बराबरीमा रोकिएपछि दोस्रो हाफमा एक गोल निस्किएको हो । खेलको १२ औं मिनेटमा युडिनेजका स्टेफानो ओकाकाले हानेको प्रहार गोलकिपरकै हातमा परेको थियो ।

१९ औं मिनेटमा पेड्रोले लियोनार्दो स्पान्जोलाको क्रसपासलाई सदुपयोग गर्दैको सट बचाउ भएको थियो । २२ औं मिनेटमा रोमाको अर्को अवसर गुम्यो । आईबेन्चले दिएको पासलाई इडेन जेकोको प्रहार बाहिरिएको थियो ।

३३ औं मिनेटमा युडिनेजका रोर्बटो पिरेयराले केभिन लासांगाले मिलाईदिएको पासलाई सदुपयोग गर्न सकेनन् । ६९ औं मिनेटमा युडिनेजका स्टेफानो ओकाकाले नाहुल मोलिनाको पासलाई खेर फालेपछि बराबरी गोल गर्ने अवसर गुमाएका थिए ।