मोहम्मद सलाह बल नियन्त्रण गर्ने प्रयासमा ।
एजेन्सी-लिभरपुलले ईंग्लिस प्रिमियर लिग अन्तर्गत गएराती वेष्टह्याम युनाईटेडलाई २-१ ले पराजित गर्दा चेल्सीले बर्नलीमाथि ३-० को इज्जतिलो नजिता निकालेको छ ।
वेष्टह्यममाथि पाएको जितसँगै १६ अंकसहित लिभरपुल लिगको शीर्षस्थानमा उक्लिएको छ ।
खेलमा वेष्टह्यामले अग्रता पहिलो लियो । फावियो फोर्नाल्सको गोलबाट अग्रता लिएको वेष्टह्याम पहिलो हाफको अन्तिम समयमा बराबरी गोल खाँदै पहिलो हाफ बराबरीमा टुग्याएको थियो ।
पहिलो हाफ हुनु भन्दा केही अघि मात्रै पाएको पेनाल्टीबाट लिभरपुलले खेलमा फर्किने अवसर पायो । ४२ औं मिनेटमा मोहम्मद सलाहले पेनाल्टी गोल गर्दै खेलमा फर्किएको लिभरपुलको जितमा भने डियागो जोटाको गोल निर्णायक बन्न पुग्यो ।
पेनाल्टी गोलसँगै खेलको लागि टर्निङ प्वाइन्ट बनेको लिभरपुलका लागि ८५ औं मिनेटमा जोटाको गोलसँगै जित पक्का हुन पुग्यो ।
उता चेल्सीले सहज जित निकाल्ने क्रममा हाकिम जियचले पहिलो गोल गरे । उनले २६ औं मिनेटमा गोल गर्दै चेल्सीलाई अग्रता दिलाए ।
चेल्सीका लागि दोस्रो गोल ६३ औं मिनेटमा कर्ट जोउमाले गोल गरेपछि अग्रता दोब्बर हुन पुग्यो । ७० औं मिनेटमा टिमो वेर्नरले अर्को गोल थपेपछि चेल्सीले फराकिलो गोल अन्तरको जित सम्भब बनाएको थियो ।
पोखरा-सहारा क्लब पोखराले २६ औं संस्करणको आहा रारा पोखरा गोल्डकपको तयारीमा जुटेको छ । क्लबले आगामी माघ ५ गतेदेखि १६ गतेसम्म गोल्डकप आयोजना गर्ने सार्वजनिक गरेको छ । हिमश्री फुड्स प्रालिको उत्पादन रारा तयारी चाउचाउको मुख्य प्रायोजन रहने…
कास्की-चार मैत्रीपूर्ण टी—२० खेल्न पोखरा आईपुगेको भुटानी राष्ट्रिय क्रिकेट टोली मंगलबार पहिलो खेलमा गण्डकी प्रदेशको टोलीसँग ८ विकेटले पराजित भएको छ । पोखरा भ्रमणमा रहेको भुटानी राष्ट्रिय क्रिकेट टोली मंगलबार पोखरा रंगशाला क्रिकेट मैदानमा टस हारेर १९.३ ओभरमा…