चेन्नईसँग किंग्स इलाभेन पन्जाबको नमिठो हार

फाफडु फ्लेसिस व्याटिंग गरेको बलबाट जोगिदैं पन्जाबका बलर ।

एजेन्सी-प्ले अफको सम्भाबना बोकेको किग्स इलाभेन पन्जाब चेन्नई सुपरकिग्ससँग पराजयसँगै सिजनको आईपिएल टुंग्याएको छ । दुवैले समान १४ खेलमा १२ अंक जोड्दै प्ले अफबाट बाहिरिन पुग्दा दुबैको खेल प्रतिष्ठासँग मात्रै जोडिन पुग्यो ।

छैटौं नम्बरमा व्याटिंग गर्न आएको दिपक होडाले अर्धशतकीय पुरा गर्दै पन्जाबलाई ६ विकेटको क्षतिमा १५३ रनको योगफल पुरयाउने भूमिका खेले । होडाले अविजित ६२ रन बनाउने क्रममा ३० बल खेल्न पुगे ।

३ चौका र ४ छक्का स्कोरकार्डमा लेखिदाँ ओपनर केएल राहुल र मायांक अग्रवालले पहिलो विकेटको लागि राम्रै साझेदारी निभाएका थिए । राहुलले २९ रन बनाउँदा अग्रवालको पनि २६ रनको महत्वपूर्ण योगदान रह्यो ।

तर भरपर्दा व्याट्सम्यान युनिर्भसल बोस क्रिस गेल भने सस्तैमा पभेलियनको बाटो समाए । गेल इमरात ताहिरको लेगस्पीनमा फस्दै एलबीडब्लुको शिकार भए । १२ रन मात्रै जोडेका थिए ।

मन्दिप सिंहले पनि १४ रनको योगदान दिए । तर अन्यको उल्लेख्य प्रभावकारी भूमिका भने देखिएन् । लुन्गी एन्गिडीले सर्वाधिक तीन विकेट लिएका थिए ।

टस जितेर क्षेत्र रक्षण रोजेको चेन्नईले पन्जाबले दिएको १५४ रनको लक्ष्य पछ्याउने क्रममा १८.५ ओभरमा पुरा गर्दै जित निकाले । चेन्नईका ओपनर रुतुराज गेकवाडले अर्धशतकीय पारी खेल्दै जितसम्म डोहोर्याए ।

फाफडु फ्लेसिस ४८ रनमा आउट भएपछि गेकवाड र अम्बाटी रायडुले इनिंग सम्हालेका थिए । सात बल बाँकी छदाँ चेन्नईले ९ विकेटले पराजित गर्यो ।

गेकवाडले ६२ रनको योगदान दिदाँ रायडुले ३० रन बनाई अविजिति रहे । ४९ बल खेलेका गेकवाडले ६ चौका र १ छक्का हिर्काए । रायडुले पनि ३० बल नै खेल्दा २ चौका मात्रै स्कोरकार्डमा देखियो ।