रामोसप्रति पिएसजीको चासो

सर्जियो रामोस

एजेन्सी-रियल मड्रिडका कप्तान सर्जियो रामोस जनवरीदेखि क्लबसँगको सम्झौता सकिदैं छ । क्लबसँगको सम्झौतासँगै उनले बेर्नाबेउ छाड्ने संघारमा छन् ।

बेर्नाबेउ छाड्ने संघारमा रहेका रामोसलाई फ्रान्सेली क्लब पेरिस सेन्ट जर्मेन(पिएसजी)ले भित्र्याउने चासो देखाएको छ । जनवरीदेखि उनी अन्य क्लबमा सरुवाको लागि छलफल शुरु गर्ने छन् ।

पिएसजीले रामोसलाई तीन वर्षे सम्झौत गरी भित्रयाउने चाहना राखेको छ । उनलाई २० मिलियन युरोको प्रस्ताव गरिएको छ । प्रस्तावसँगै बोनस रकम समेत दिने उल्लेख छ ।

तर रियलले भने उनलाई अझै एक वर्ष राख्न सक्ने सम्भावना छ । एक वर्षे सम्झौता पछि दोस्रो वर्षको लागि भने केही सर्तहरु पालना गर्दै सहमति गर्ने योजनामा समेत रियल मड्रिड रहेको इएसपिएन स्रोतले उल्लेख गरेको छ ।

रियलले पछिल्लो समय कोरोनाको कहरसँगै खेलाडीको पारिश्रमिकमा कटौती गर्दै लगेको छ । त्यसले पनि खेलाडीहरु असन्तुष्ट छन् ।