फेरेन्सभारोसमाथि युभेन्ट्सको कठिन जित

- खेलाडी न्युज, पोखरा


     खेलाडी न्युज    
     मंसिर १० गते २०७७ मा प्रकाशित


गोल गरेपछि खुशी देखिएका रोनाल्डो ।

एजेन्सी-क्रिष्टियानो रोनाल्डोको गोलबाट कमब्याक गरेको युभेन्ट्सले आज विहान भएको च्याम्पियन्स लिग प्रतिस्पर्धामा फेरेन्सभारोसलाई २-१ गोलले पराजित गरेको छ । एक गोलले पछि परेको अवस्थालाई उल्ट्याउँदै युभेन्ट्सले जित निकालेको हो ।

खेलको १९ औं मिनेटमा युभेन्ट्सले पहिलो खान पुग्यो । फेरेन्सभारोसका लागि मायर्टो युजिनीको गोलबाट अग्रता लिएको थियो ।

पहिलो गोल खाएको युभेन्टस दबावमा पर्यो । तर पहिलो हाफमौ क्रिष्टियानो रोनाल्डोले गोल गर्दै बराबरीमा ल्याए । ३५ औं मिनेटमा रोनाल्डोले गोल गरेपछि युभेन्ट्स कमब्याक हुन पुग्यो ।

खेलको इन्जुरी समयमा अल्भारो मोराटाले गोल गरेपछि युभेन्टसले जित पक्का बनायो । मोराटाले ९०प्लस २ मिनेटमा गोल गरे । उनलाई र क्रिष्टियानो रोनाल्डोको लागि गोलको अवसर भने हुवान काउड्राडोले मिलाईदिएका थिए ।