मार्कस रासफोर्ड बलको लागि संघर्ष गर्दै ।
एजेन्सी-म्यानचेष्टर युनाईटेडले शनिबार र्ईग्लिस प्रिमियर लिग अन्तर्गत लिसेष्टर सिटीसँग बराबरी खेल्दै अंक बाँडेको छ । शनिबार लिसेष्टरले आफनो घरेलु मैदानमा भएको प्रतिस्पर्धामा युनाईटेडसँग २-२ गोलको बराबरी खेल्दै अंक बाँडेको हो ।
लिसेष्टर दुई पटक पछि परेको अवस्थामा बराबरी गर्दै युनाईटेडसँगको खेल हारबाट जोगिएको थियो । २३ औं मिनेटमा बु्रनो फर्नाण्डेजको पासमा मार्कस रासफोर्डले गोल गर्दै अवे खेलमा युनाईटेडले अग्रता लियो । तर अग्रतालाई धेरै बेर टिक्नै सकेन् । लिसेष्टरले ३१ औ मिनेटमा बराबरी गोल फर्काउँदै युनाईटेडलाई दबाव दिईराख्यो । जेम्स मडिसनको पासमा हार्बे बर्नेसले बराबरी गोल गरे । पहिलो हाफ बराबरीमै टुंगिएको थियो ।
दोस्रो हाफमा घरेलु मैदानमा लिसेष्टरलाई युनाईटेडले फेरी दबावमा राख्दै गोल गर्यो । एडिसन काभानीको पासमा ब्रुनो फर्नाण्डेजले गोल गर्दै फेरी अग्रता लियो । तर अग्रतालाई लिसेष्टर बराबरीमा ल्याई छाड्यो । खेलको ८५ औं मिनेटमा एलेक्स टउनजेबेले आत्मघाती गोल गर्दै युनाईटेडको अंक खोसिएको थियो । केही दिन अघि लिसेष्टरले टोटनह्याम हट्स्परमाथि जित निकालेको थियो ।
पोखरा-सहारा क्लब पोखराले २६ औं संस्करणको आहा रारा पोखरा गोल्डकपको तयारीमा जुटेको छ । क्लबले आगामी माघ ५ गतेदेखि १६ गतेसम्म गोल्डकप आयोजना गर्ने सार्वजनिक गरेको छ । हिमश्री फुड्स प्रालिको उत्पादन रारा तयारी चाउचाउको मुख्य प्रायोजन रहने…
कास्की-चार मैत्रीपूर्ण टी—२० खेल्न पोखरा आईपुगेको भुटानी राष्ट्रिय क्रिकेट टोली मंगलबार पहिलो खेलमा गण्डकी प्रदेशको टोलीसँग ८ विकेटले पराजित भएको छ । पोखरा भ्रमणमा रहेको भुटानी राष्ट्रिय क्रिकेट टोली मंगलबार पोखरा रंगशाला क्रिकेट मैदानमा टस हारेर १९.३ ओभरमा…