जगराज जोशी कप वडास्तरीय फुटबल शुरु

गजराज जोशी कप वडास्तरीय फुटबल

काठमाडौं-काठमाडौंको टोखा नगरपालिकामा सोमबारदेखि अन्तरवडास्तरीय फुटबल प्रतियोगिता शुरु भएको छ । एसडी-९९ स्पोर्टस कर्नरको आयोजनामा गजराज जोशी कप वडास्तरीय फुटबल प्रतियोगिता शुरुभएको हो । टोखाका ७ वटा वडाको सहभागिता रहेको प्रतियोगिताको उदघाटन भने नगरपालिकाका मेयर प्रकाश अधिकारी गरेका थिए ।

सहभागि टोलीले लिगकम नकआउटमा प्रतिस्पर्धा गर्ने छन् । सोमबार टोखा नगरपालिका वडा नम्वर ६ र वडा नम्वर ७ ले १–१ गोलको बराबरी खेल्दै अंक बाँडेका छन् । टोखा भुतखेलस्थित मैदानमा भएको खेलमा वडा नम्वर ६ का कृष्ण गुरुङले गोल गर्दा वडा नम्वर ७ का समिर गुरुङले पेनाल्टीमार्फत बराबरी गोल फर्काएका थिए । समिरले नै पेनाल्टीलाई सदुपयोग गर्न चुकेपछि जित निकाल्नबाट बन्चित हुन पुगेको थियो । प्रतियोगितामा बुधबार दुई खेल हुनेछ ।

प्रतियोगिता १३ माघसम्म चल्नेछ । प्रतियोगिताको विजेताले ७० हजार, दोस्रो हुने टोलीले ३५ हजार रुपैयाँ प्राप्त गर्नेछन् । विधागत उत्कृष्ट खेलाडीले समान ५ हजार रुपैयाँ पुरस्कार प्राप्त गर्नेछन् ।