व्यास अल्ट्रा दौडको पुरस्कार राशी बढ्यो

- खेलाडी न्युज, पोखरा


     खेलाडी न्युज    
     माघ ९ गते २०७७ मा प्रकाशित


४४ किलोमिटरको व्यास दौड

तनहुँ,– व्यास नगरपालिकाले आयोजना गर्ने व्यास अल्ट्रा दौड आयोजना गर्दै छ । यही माघ १६ गते शहीद दिवसको अवसरमा आयोजना दौडको पुरस्कारमा यसपाली चार हजार एक रुपैयाँका दरले ृबृद्धि गरिएको छ ।

विगत चार बर्षदेखि पर्यटन प्रर्बद्धनका लागि व्यासले दौड आयोजना गर्दै आएको छ । प्रथम हुने धावकले ८५ हजार ७७ रुपैयाँ प्राप्त गर्ने नगरप्रमुख बैकुण्ठ न्यौपानेले जानकारी दिए । उनका अनुसार दोस्रोले ६५ हजार ७७ रुपैयाँ, तेस्रोले ५५ हजार ७७ रुपैयाँ र सान्त्वना हुने पाँच जनाले १६ हजार ७७ रुपैयाँ पाउनेछन् । सान्तवना पुरस्कार राशी भने बढेको छैन् ।

म्याराथनले व्यासको पर्यटन प्रर्बद्धनमा महत्वपुर्ण भुमिका खेलेको न्यौपानेले बताए । ‘मानहुँमा पर्यटक बढ्नु पनि यसैको देन हो’ उनले भने । व्यास–५ मानहुँबाट सुरु हुने म्याराथनमा धावकले ४४ किलोमिटरको दुरी व्यास–८ पुलिमराङसम्म दौडनेछन् । आठ स्थानमा विन्दु बनाईनेछ ।