बागमती युवा क्लब सेमिफाईनलमा

बागमती युवा क्लबको खेलाडी(रातो) र दूधौली स्पोर्टस क्लब सिन्धुलीका खेलाडी बलको लागि संघर्ष गर्दै ।

हेटौंडा-दूधौली स्पोर्टस् क्लब सिन्धुलीलाई २—० ले पराजित गर्दै बागमती युवा क्लब सर्लाही हेटौडा गोल्डकपको अन्तिम चारमा प्रवेश गरेको छ । सोमबार हेटौंडा–१० स्थित बनविज्ञान खेलमैदानमा भएको खेलमा बागमतीका लागि पहिलो र दोस्रो हाफमा एक एक गोल गर्दै जित सुनिश्चित बनाएको थियो ।

विजय युथ क्लब हेटौंडाको आयोजनामा सञ्चालित प्रतियोगितामा बागमतीका फोफोनाले ३४ औं मिनेटमा गोल गर्दै अग्रता दिलाए । बिमल घिसिङले ७४ औं मिनेटमा गोल गर्दै टिमलाई सेमीफाइनल पु¥याएका हुन् । खेलमा सर्लाहीका फोफोना म्यान अफ दी म्याच घोषित भए ।
विजयी हुने बागमती टिमले आयोजक एफसी विजय युथ क्लब हेटौंडासँग सेमीफाइनलमा भिड्नेछ । आइतबार भएको दोस्रो खेलमा आयोजक एफसी विजय युथ क्लब, सर्लाही फुटबल संघलाई २–० गोलअन्तरले पराजित गर्दै सेमीफाइनल प्रवेश गरेको थियो ।

प्रतियोगिताको फाइनल खेल २३ गते हुने आयोजकले जनाएको छ । प्रतियोगितामा विजेताले नगद ३ लाख र उपविजेताले १ लाख ५० हजार रुपिया“ प्राप्त गर्नेछन् भने विधागतरुपमा उत्कृष्ट हुने गोलरक्षक, डिफेन्डर, मिडफिल्डर, फरवार्ड तथा प्रशिक्षकले जनही नगद पा“च हजार रुपिया“ प्राप्त गर्नेछन् ।