महिला हाफ म्याराथनको उपाधि पुलिसकी प्रसाईलाई

- खेलाडी न्युज, पोखरा


     खेलाडी न्युज    
     फागुन १ गते २०७७ मा प्रकाशित


महिला हाफ म्याथारानको उपाधि पुलिसकी प्रसाईलाई

पोखरा-पोखरामा आयोजित महिला हाफ म्याराथनको उपाधि नेपाल पुलिसकी राजपुरा प्रसाईले जितेकी छन् । नेपाल भुतपूर्व खेलाडी मन्चको आयोजनामा महिला तर्फ आयोजित पहिलो हाफ म्याराथन(२१ किलोमिटर)को दुरीलाई उनले १ घण्टा २७ मिनेट १ सेकेण्डमा पुरा गर्दै उपाधि जितेकी हुन् ।

जुम्लाकी राममाया बुढा दोस्रो स्थानमा रहिन् । उनले १ घण्टा ३० मिनेट ५ सेकेण्डमा पुरा गरिन् । तेस्रो स्थानमा भने शसस्त्र प्रहरी बलकी बृन्दा श्रेष्ठ आईन् । उनले दुरीलाई १ घण्टा ३१ मिनेट २ सेकेण्डमा पुरा गरेकी थिईन् ।

महिला हाफ म्याराथनमा विजेता प्रसाईले १ लाख रुपैयाँ प्राप्त गरिन् । जुम्लाकी बुढाले दोस्रो पुरस्कार ७५ हजार प्राप्त गरिन् । शसस्त्र प्रहरीकी श्रेष्ठले ५० हजारले पुरस्कार स्वरुप हात थापिन् ।

नेपाल पुलिसकी रेखा विष्टले सान्त्वन पुरस्कार प्राप्त गरिन् । उनले १ घण्टा ३६ मिनेट २ सेकेण्डमा पुरा गर्दै सान्त्वना स्वरुप नगद १५हजार पाईन । तस्बिर सुदर्शन रन्जित।