अन्तिम खेलमा च्याम्पियन एपिएफ र आर्मी भिड्दै

- खेलाडी न्युज, पोखरा


     खेलाडी न्युज    
     फागुन ७ गते २०७७ मा प्रकाशित


महिला लिगः एपिएफको लगातार पाँचौ जित

काठमाडौं, फागुन ७ । राष्ट्रिय महिला लिग फुटबलमा दुई खेल हुँदा लिगकाे समापन हुँदै छ ।

एन्फा कम्प्लेक्स सातदोबाटोमा हुने पहिलो खेलमा नेपाल पुलिस क्लबले चौदण्डीगढी नगरपालिकासँग प्रतिस्पर्धा गर्नेछ भने दिनकाे दाेस्राे खेल च्याम्पियन एपिएपफ र त्रिभुवन आर्मी क्लबबीच प्रतिस्पर्धा हुँदै छ ।

पुलिस र चौदण्डीबीचको खेल बिहान १० बजे सुरु हुनेछ । एपिएपफ र आर्मीबीचकाे खेल दिनकाे २ बजे हुनेछ ।

पुलिस चौदण्डीलाई हराएर लिगको तेस्रो स्थान पक्का गर्न चाहन्छ भने चाैदण्डीगढी लिगमा खाता खाेल्न चाहन्छ ।

पुलिस ११ खेलमा १५ अंक जोडेर पाँचौ स्थानमा रहेको छ । अन्तिम खेलमा जित निकालेमा पुलिस तेस्रो स्थानमा रहनेछ ।

चौदण्डी भने अन्तिम खेलमा जित निकाल्न चाहन्छ । चौदण्डी ११ खेलमा अंक विहीन रहदै पुछारमा रहेको छ ।

अर्को खेलमा च्याम्पियन बनिसकेको एपीएफ र त्रिभुवन आर्मी क्लबबीच खेल हुनेछ । एपीएफ र आर्मीबीचको खेल दशरथ रंगशालामा अपरान्ह २ बजे सुरु हुनेछ ।

दुई खेल अगाबै च्याम्पियन बनिसकेको एपीएफ आर्मीलाई हराएर अपराजित रहदै च्याम्पियन बन्न चाहन्छ । एपीएफले ११ खेलमा ३३ अंक जोडेको छ ।

आर्मी भने अन्तिम खेलमा जित निकाल्दै लिगको सुखद अन्त्य गर्न चाहन्छ । दोस्रो स्थान पक्का रहेको आर्मीको ११ खेलमा २६ अंक रहेको छ ।