एजेन्सी, वैशाख १८ । लयमा रहेको रोयल च्यालेन्जर्स बैंगलोरलाई रोक्दै पञ्जाब किंग्सले इन्यिन प्रिमियर लिगमा पराजित गरेको छ ।
अहमदाबादमा शुक्रबार राति भएको खेलमा पञ्जाबले बैंगलोरलाई ३४ रनले पराजित गरेको हो । यससँगै पञ्जाबले जारी लिगमा तेस्रो जित निकालेको छ । पराजित बैंगलोरले पनि दोस्रो खेल गुमाउन पुगेको छ ।
पञ्जाबले दिएको १ सय ८० रनको लक्ष्यका जावाफी ब्याटिङ गरेको बैंगलोरले निर्धारित २० ओभरको समाप्तिमा ८ विकेट गुमाएर १ सय ४५ रन मात्र बनाउन सक्यो । बैंगलोरका लागि कप्तान विराट कोहलीले सर्वाधिक ३५ रन जोडे । रजत पतिदारले ३१ रन बनाए । हर्सल पटेलले ३१ रन बनाउँदा केली जेमिसन १६ रनमा अविजित रहे ।
बैंगलोरलाई सस्तैमा समेट्न पञ्जाबका हरप्रित ब्रारले ३ विकेट लिए । रबि बोस्नाईले २ तथा रिली मेरेदिथ, मोहमद शामी र क्रिस जोर्डनले १÷१ विकेट लिए ।
यस अघि टस हारेर पहिले ब्याटिङ गरेको पञ्जाबले पुरै २० ओभर खेलेर ५ विकेट गुमाउँदै १ सय ७९ रन जोडेको थियो । पञ्जाबका लागि कप्तान लोकेश राहुलले अर्धशतकीय इनिङ्स खेले । अविजित रहेका राहुलले ५७ बलमा ७ चौका र ५ छक्कासहित ९१ रन बनाए । यस्तै क्रिस गेलले ४६ रन जोड्दा हरप्रितले अविजित रहदै २५ रन बनाए ।
बैंगलोरका केली जेमिसनले २ विकेट लिए । डानिल साम्स, युजभेन्द्र चाहल र सहबाज अहमेदले १÷१ विकेट लिए । तेस्रो जित निकालेको पञ्जाबले ७ खेलमा ६ अंक जोडेको छ । पञ्जाब पाँचौ स्थानमा उक्लिएको छ । उता पराजित बैंगलोरले शीर्ष स्थानमा उक्लने मौका गुमाएको छ ।
बैंगलोरले ७ खेलमा १० अंक जोडेको छ । जारी सिजन दोस्रो हार भोगेको बैंगलोर तालिकाको तेस्रो स्थानमा रहेको छ ।
पोखरा-पोखरा विश्वविद्यालय अन्तर्गतको पोखरा विश्वविद्यालय फुटबल क्लबले जेष्ठ २९ गतेदेखि असार ५ गतेसम्म भण्डारढिक खेल मैदान, लेखनाथमा पोखरा विश्वविद्यालय सुपरकप फुटबल प्रतियोगिता–२०८३ को तेस्रो संस्करण आयोजना गर्ने भएको छ । क्लबका अध्यक्ष बिमान प्रधान का अनुसार प्रतियोगिताको विजेता…
पोखरा-पोखरा क्रिकेट एकेडेमीको आयोजनामा शुक्रबारदेखि पोखरामा छैटौँ संस्करणको ब्रेकिङ बाउन्ड्रीज छात्र÷छात्रा अन्तर विद्यालय टी–ट्वान्टी क्रिकेट प्रतियोगिता सुरु भएको छ । किडासा फाउण्डेशन र एमसिसीको सहयोग, कास्की जिल्ला क्रिकेट संघ र गण्डकी प्रदेश क्रिकेट संघको प्राविधिक सहयोगमा शुरु प्रतियोगिता…