आईपिएल अनिश्चितकालका लागि स्थगित, खेलाडीमा संक्रमण ह्वात्तै बढ्याे

एजेन्सी । खेलाडीहरुमा कोरोना भाइरसकाे संक्रमण बढे्सँगै भारतमा जारी इन्यिन प्रिमियर लिग अनिश्चित कालका लागि स्थगित भएको छ ।

कोरोना भाईरसको संक्रमण बढेसँगै आईपीएल अनिश्चितकालका लागि स्थगित गरिएको हो । जारी आईपिएलका केही टोलीका खेलाडी र अफिसियललाई कोरोना संक्रमण पुष्टि भएपछि भारतीय क्रिकेट बोर्ड (बीसीसीआई) ले प्रतियोगिता अनिश्चित समयका लागि स्थगित गर्ने जनाएको हो ।

पछिल्लो पटक कोलकत्ता नाइट राईडर्सका दुई खेलाडी, चेन्नई सुपर किङ्सका तीन अफिसियल र सनराइजर्स हैदरावादका एक खेलाडीमा कोरोना देखिएको छ ।

हालसम्म आईपीएलका सात खेलाडीमा कोरोना संक्रमणको पुष्टि भएको छ। कोरोना संक्रमित हुनेमा कोलकाताका तीन खेलाडी नीतीश राण, वरुण चक्रवर्ती र सन्दिप वारियर, दिल्लीका दुई खेलाडी अक्षर पटेल र एनरिक नोर्खिया र बैंगलोरका दुई खेलाडी देवदत्त पडिकल र ड्यानियल साम्स छन्।