पोखरा-रोमेलु लुकाकुको प्रेरणादायी खेलमा गएराती बेल्जियमले युरोकपको पहिलो खेलमा रसियालाई ३-० गोलले पराजित गर्दै समूहको शीर्षस्थानमा छ ।
पहिलो हाफमै दुई गोल गरेको बेल्जियमले दोस्रो हाफमा थप एक गोल गर्दै जित सुनिश्चित बनाएको थियो ।
दशौं मिनेटमा लुकाकुले बेल्जियमका लागि अग्रता दिलाए । बायाँ खुट्टाको प्रहार सिधै पोष्टभित्र बल छिरेपछि बेल्जियमको लागि युरोकपको पहिलो गोलको खुशी मनायो । त्यसभन्दा अघि बेल्जियमले फ्रिकको अवसरलाई गुमाएको थियो ।
पहिलो गोलसँगै रसियाले पनि गोलको अवसर सृजना गर्यो । तर बलले पोष्टको दिशा लिन सकेन् । १४ र १६ मिनेटमा मारियो फर्नाण्डेज र मागोमेड ओजडोईभको प्रहार खेर गएको थियो ।
खेलको ३४ औं मिनेटमा बेल्जियमले अर्को गोल थप्दै रसियालाई मत्थर बनायो । थोमस म्युनियरले बायाँ खुट्टाले प्रहार गरेको बलले पोष्टको जाली हल्लाएपछि बेल्जिमयले पहिलो हाफमै दुई गोलको अग्रता लिन सफल रह्यो ।
४६ औं मिनेटमा रसियाका लागि डेनिस चेरेसिभको पासमा रोमन जोब्निनले प्रहार निकै माथिबाट आकासिएको थियो । ५५ औं मिनेटमा रसियाका अलेक्जाण्डर गोलोभिनको प्रहार पनि खेर गएपनि रसिया एकपछि अर्को निराश थपियो ।
८८ औं मिनेटमा आईपुग्दा लुकाकुले व्यक्तिगत दोस्रो गोल गर्दै बेल्जियमको फराकिलो जित सम्भब बनाए । उनले थोमस म्युनियरको पासलाई सदुपयोग गर्दै उत्कृष्ट गोल गरे ।
पोखरा-सहारा क्लब पोखराले २६ औं संस्करणको आहा रारा पोखरा गोल्डकपको तयारीमा जुटेको छ । क्लबले आगामी माघ ५ गतेदेखि १६ गतेसम्म गोल्डकप आयोजना गर्ने सार्वजनिक गरेको छ । हिमश्री फुड्स प्रालिको उत्पादन रारा तयारी चाउचाउको मुख्य प्रायोजन रहने…
कास्की-चार मैत्रीपूर्ण टी—२० खेल्न पोखरा आईपुगेको भुटानी राष्ट्रिय क्रिकेट टोली मंगलबार पहिलो खेलमा गण्डकी प्रदेशको टोलीसँग ८ विकेटले पराजित भएको छ । पोखरा भ्रमणमा रहेको भुटानी राष्ट्रिय क्रिकेट टोली मंगलबार पोखरा रंगशाला क्रिकेट मैदानमा टस हारेर १९.३ ओभरमा…