काठमाडौं । न्युरोड टिम (एनआरटी)ले असोज ३ गतेबाट हुने सहिद स्मारक ‘ए’ डिभिजन लिगका लागि शनिबार दुई विदेशी खेलाडीलाई अनुबन्ध गरेको छ ।
एनआरटीले राजधानीमा एक कार्यक्रम गरी फरक ढाँचाको लिगका लागि अनुबन्ध गरेको हो । क्लबले खेलाडीद्वय मासुके ओलुमो र स्टेफेन समिरलाई अनुबन्ध गरेको हो । क्लबले दुई विदेशी खेलाडीलाई १० महिनाका लागि सम्झौता गरेको हो । सम्झौता भएसँगै खेलाडीद्वयले एनआरटीको जर्सीमा ‘ए’ डिभिजन लिग खेल्नेछन् । दुबैले टोलीलाई उपाधि दिलाउनका लागि प्रयास गर्ने बताए ।
नयाँ ढाँचाको लिग भनिएको ‘ए’ डिभिजन लिग यो संस्करण सुरुआतमा सिंगल राउन्डका खेल हुनेछन् । त्यसपछि दोस्रो राउन्डमा शीर्ष आठमा परेका टोलीले उपाधिका लागि पुन लिग खेल्ने प्राब्धान अखिल नेपाल फुटबल संघ (एन्फा)ले बनाएको छ । यसै कारण फरक ढाँचा भनिएको लिगका लागि एनआरटीले पुराना खेलाडीलाई समेटेर प्रशिक्षण दिइरहेको क्लबका अध्यक्ष सुन्दर नरसिंह जोशीले जानकारी दिए । यस्तै शनिबारकै कार्यक्रममा एनआरटीले अघिल्लो संस्करणमा पनि प्रशिक्षण गरेका राजु काजी शाक्यलाई क्बलले निरन्तरता दिने जनाएको छ ।
प्रशिक्षक राजुकाजी शाक्यले नयाँ विदेशी खेलाडीको अनुबन्धले टोलीमा हौसला मिलेको प्रतिक्रिया दिए । शाक्यले एनआरटी उपाधि उचाल्ने लक्ष्यका साथ आउँदा संस्करणको लिगमा प्रतिस्पर्धा गर्ने बताए ।
एनआरटीले चार विदेशी खेलाडी राख्न पाउने प्राब्धान अन्तर्गत दुई खेलाडीलाई अनुबन्ध गरेको हो । नयाँ संस्करणका लिगका लागि क्लबले पुराना खेलाडीलाई निरन्तरता दिँने बताएको छ । नेपाल सुपर लिग (एनएसएल) काठमाडौं रेजर्स एफसीबाट खेलेका मिडफिल्डर मोसुके र फरवार्ड स्टेफेनको सहयोगमा काठमाडौं रेजर्सले उपाधि उचालेको थियो । मोसुके एनएसएलको सर्वाधिक गोलकर्ता बनेका थिए ।
सहिद स्मारक ‘ए’ डिभिजन लिगमा तीन विभागीय टोली सहित १४ क्लबले प्रतिस्पर्धा गर्दैछन् । लिगमा ‘बी’ डिभिजन लिगबाट बढुवा भएको सातदोबाटो युथ क्लबले ‘ए’ डिभिजन लिगमा प्रतिस्पर्धा गर्नेछ भने लिगको पुछारमा रहेर लिग टुङ्गाएको सरस्वती यो सिजन हुने छैन ।
पोखरा-चौथो एबीसी राष्ट्रिय एट ए साइड ४५ प्लस भेट्रान्स कप २०८२ को उपाधि बगर भाइखलकले हात पारेको छ । पोखरा रंगशालामा शुक्रबार सम्पन्न फाइनल खेलमा आयोजक एबीसीलाई ४–० गोल अन्तरले पराजित गर्दै प्रतियोगिताको उपाधी जितेको हो । उपाधि…
पोखरा-पोखरा महानगरपालिकासँगको सहकार्यमा गण्डकी प्रादेशिक क्रिकेट संघ गण्डकीले आगामी बैंशाखमा महानगर कप क्रिकेट प्रतियोगिता गर्ने तयारी गरेको छ । प्रधानमन्त्री एकदिवसीय क्रिकेट प्रतियोगिताको लागि गण्डकी प्रदेश टिम जर्सी अनावरण गर्दै महानग प्रमुख धनराज आचार्यले आगामी बैशाखमा महानगर कप…