काठमाडाैं । इंग्लीश प्रिमियर लिग फुटबलमा आर्सनलले टोटनह्याम हट्सपरलाई ३–१ ले हराएको छ ।
गएराति आर्सनलको मैदानमा भएको लण्डन डर्बीमा घरेलु टोलीलाई विजयी गराउन एमिले स्मीथ रोवे, पिएरे एमरिक औबामायङ्ग र बकायो साकाले एक एक गोल गरे ।
पराजित टोली टोटनह्यामका ह्युङ मिन सनले एक गोल फर्काए । जितपछि आर्सनल ६ खेलबाट ९ अंक जोड्दै अंक तालिकाको दशौं स्थानमा उक्लिएको छ ।
लिगमा सुरुवाती तीन खेल हारेको आर्सनलले त्यसपछि भने लगातार तीन खेल जितेको छ । उता सुरुवाती तीन खेलमा जित हात पारेको टोटनह्याम हट्सपरले भने यसपछिका तीन खेलमा लगातार हार भोगेको छ ।
प्रिमियर लिगकै अर्को खेलमा वुल्भरह्याम्पटन वान्डरर्सले साउथह्याम्पटनलाई उसैको मैदानमा १–० ले हराएको छ । खेलमा वुल्भरह्याम्पटनका राउल जिमिनेजले निर्णायक गोल गरे ।
इंग्लीश प्रिमियर लिगमा छैटौं चरणका खेलहरु सकिंदा १४ अंकसहित लिभरपुल शिर्ष स्थानमा रहेको छ । १३–१३ अंक जोडेका म्यान्चेस्टर सिटी, चेल्सी, म्यान्चेस्टर युनाइटेड र एभर्टन दोस्रो देखि पाँचाैं स्थानसम्म रहेका छन् ।
पोखरा-पोखरा विश्वविद्यालय अन्तर्गतको पोखरा विश्वविद्यालय फुटबल क्लबले जेष्ठ २९ गतेदेखि असार ५ गतेसम्म भण्डारढिक खेल मैदान, लेखनाथमा पोखरा विश्वविद्यालय सुपरकप फुटबल प्रतियोगिता–२०८३ को तेस्रो संस्करण आयोजना गर्ने भएको छ । क्लबका अध्यक्ष बिमान प्रधान का अनुसार प्रतियोगिताको विजेता…
पोखरा-गण्डकी प्रदेशका भरपर्दा व्याटर अर्जुन कुमाल नेदरल्याण्डमा हुने आईसिसी मेन्स क्रिकेट वल्र्डकप लिग २ र युके प्रिपेरेशन टुरको लागि राष्ट्रिय क्रिकेट टोलीमा छनोट भएका छन् । उनी अहिले महानगर टी २० क्रिकेट प्रतियोगिता खेलिरहेका छन् । उनले बीरगन्ज…