काठमाडौं । मोहम्मद सलाहले ह्याट्रिक पूरा गरेसँगै इङ्लिस प्रिमियर लिग फुटबलमा लिभरपुलले म्यानचेस्टर युनाईटेडलाई उसैको मैदानमा रवाफिलो जित निकालेको छ ।
आइतबार राति भएको खेलमा लिभरपुलले १० खेलाडीमा समेटिएको युनाईटेडमाथि ५–० गोल सानदार जित निकालेको हो । युनाईटेडको घरेलु मैदानमा लिभरपुललाई जित दिलाउन मोहमद सलाहले ह्याट्रिक गर्दा नेबी केइटा र डिएगो जोटाले एक एक गोल गरे ।पाँचौं मिनेटमा केइटाले गोल गर्दै लिभरपुललाई अग्रता दिलाएका थिए । १३ औं मिनेटमा जोटाले गोल थप्दा लिभरपुलको अग्रता २–० मा पुगेको थियो । ३८ औं मिनेटमा सलाहले गोल गर्दै टिमको अग्रता ३–० मा पु¥याए पहिलो हाफको इन्जुरी समयमा सलाहले व्यक्तिगत दोस्रो गोल गर्दै टोलीलाई ४–० को अग्रता दिलाए ।
त्यसपछि खेलको ५० औं मिनेटमा सलाहले ह्याट्रिक पूरा गरेपछि लिभरपुल ५–० ले विजयी भयो । बाँकी समय युनाईटेडको मैदानमा केही घम्सा घम्सी पनि भएको थियो । रोनाल्डोले अनपेक्षित फाउल खेल्दा घरेलु समर्थक केही निराश बनेका थिए । ५८ औं मिनेटमा युनाईटेडका क्रिस्टियानो रोनाल्डोले गोल गरेपनि मान्यता पाएन ।
भीएआरको सहायतामा गोल गर्नु अघि रोनाल्डो अफसाइड देखिएका थिए । यस्तै खेलको ६० औं मिनेटमा पाउल पोग्बाले रातो कार्ड पाएपछि युनाईटेड १० खेलाडीमा समेटिएको थियो । केइटामाथि डरलाग्दो फउल गरेपछि पोग्बाले रातो कार्ड पाएका थिए ।
जितसँगै लिभरपुल प्रिमियर लिगको दोस्रो स्थानमा उक्लिएको छ । लिभरपुलले ९ खेलमा २१ अंक जोडेको छ । युनाईटेड १४ अंक जोडेर सातौं स्थानमा रहेको छ । चेल्सी २२ अंकका साथ तालिकाको शीर्ष स्थानमा छ ।
प्रिमियर लिग फुटबल अन्तर्गत गए राति नै भएका अन्य खेलमा वेस्ट ह्यामले टोटेनह्यामलाई १–० तथा लेस्टर सिटीले ब्रेन्टफोर्डलाई २–१ ले उसैको मैदानमा स्तब्ध बनायो ।
पोखरा-पोखरा विश्वविद्यालय अन्तर्गतको पोखरा विश्वविद्यालय फुटबल क्लबले जेष्ठ २९ गतेदेखि असार ५ गतेसम्म भण्डारढिक खेल मैदान, लेखनाथमा पोखरा विश्वविद्यालय सुपरकप फुटबल प्रतियोगिता–२०८३ को तेस्रो संस्करण आयोजना गर्ने भएको छ । क्लबका अध्यक्ष बिमान प्रधान का अनुसार प्रतियोगिताको विजेता…
पोखरा-गण्डकी प्रदेशका भरपर्दा व्याटर अर्जुन कुमाल नेदरल्याण्डमा हुने आईसिसी मेन्स क्रिकेट वल्र्डकप लिग २ र युके प्रिपेरेशन टुरको लागि राष्ट्रिय क्रिकेट टोलीमा छनोट भएका छन् । उनी अहिले महानगर टी २० क्रिकेट प्रतियोगिता खेलिरहेका छन् । उनले बीरगन्ज…