काठमाडौं । स्पेनिस ला लिगा अन्तर्गत सिजनको पहिलो एल क्लासिको भिडन्तमा रियाल मड्रिडले बाजी मारेको छ ।
आइतबार राति भएको खेलमा रियाल मड्रिडले बार्सिलोनाको घरेलु मैदानमा २–१ को जित निकालेको हो । बार्सिलोनाको मैदानमा रियाललाई जित दिलाउन डेभिड अलाबा र लुकास भास्क्वेजले एक एक गोल गरे । बार्सिलोनाका सर्जियो अग्युरोले एक गोल फर्काए ।
रोड्रिगोको पासमा अलबाले खेलको ३२ औं मिनेटमा टोलीका लागि पहिलो गोल गरेका थिए भने इन्जुरी समयमा भास्क्वेजले गोल गर्दै रियललाई २–० को अग्रता दिलाए । त्यसपछि खेलको इन्जुरी समयमा अग्युरोले एक गोल फर्काएपनि रियल २–१ ले विजयी भयो । यस जितसँगै रियाल शीर्ष स्थानमा उक्लिएको छ । रियालले ९ खेलमा २० अंक जोडेको छ । बार्सिलोना १५ अंक जोडेर आठौं स्थानमा छ ।
स्पेनिस ला लिगा अन्तर्गत आइतबार राति नै भएका अन्य खेलमा एट्लेटिको विलवाओले भिल्लारियाललाई २–१ ले पराजित गर्दा सेभियाले लेभान्टेलाई ५–२ तथा रियाल बेटिसले रायो भालेकानोमाथि ३–२ को रोमाञ्चक जित निकाल्यो ।
यस्तै एट्लेटिको मड्रिडर रियाल सोसिडाडले २–२ गोलको बराबरी खेल्दै अंक बाँडे ।
पोखरा-पोखरा विश्वविद्यालय अन्तर्गतको पोखरा विश्वविद्यालय फुटबल क्लबले जेष्ठ २९ गतेदेखि असार ५ गतेसम्म भण्डारढिक खेल मैदान, लेखनाथमा पोखरा विश्वविद्यालय सुपरकप फुटबल प्रतियोगिता–२०८३ को तेस्रो संस्करण आयोजना गर्ने भएको छ । क्लबका अध्यक्ष बिमान प्रधान का अनुसार प्रतियोगिताको विजेता…
पोखरा-गण्डकी प्रदेशका भरपर्दा व्याटर अर्जुन कुमाल नेदरल्याण्डमा हुने आईसिसी मेन्स क्रिकेट वल्र्डकप लिग २ र युके प्रिपेरेशन टुरको लागि राष्ट्रिय क्रिकेट टोलीमा छनोट भएका छन् । उनी अहिले महानगर टी २० क्रिकेट प्रतियोगिता खेलिरहेका छन् । उनले बीरगन्ज…