राना मे महिनाको हिमालयन गल्फ क्लब च्याम्पियन

पोखरा-हिमालयन गल्फ कोर्षमा आयोजित मे महिनाको हिमालयन गल्फ क्लब मन्थ्ली मेड्ल ट्रफी याम रानाले जितेका छन् ।

पोखराको छिनेडाडाँस्थित पार ६९ को हिमालयन गल्फ कोर्षमा भएको प्रतिस्पर्धामा रानाले ४५ स्कोरसहित ट्रफी जितेका हुन् । फूल ह्याण्डीक्याप स्टेबल फोर्ड आधारमा खेलिएको प्रतिस्पर्धामा डा. अमरिश शुक्लाले ४० स्कोर गर्दै उपविजेता बने । त्यस्तै ३८ स्कोरसहित बसन्त गौचन(साकुरा) भने तेस्रो स्थानमा रहे ।

ग्रस तर्फ जीवाराम गुरुङले ट्रफी प्राप्त गरे । उनले २८ स्कोर हिर्काए । प्रतियोगितामा लङगेष्ट ड्राइभ कृष्ण पुनले हिर्काए । त्यस्तै होलको सबैभन्दा नजिक हिर्काउँर्द बसन्त गौचनले पुरस्कार थापे । प्रतियोगितामा २४ जना गल्फरको सहभागिता रहेको थियो । विजेता गल्फरलाई कास्की जिल्ला गल्फ संघका सचिव इन्जिनियर गोविन्द गौचन, गण्डकी प्रदेशका पूर्व सदस्य इन्द्रधारा विष्ट, एएसपी लिलाजङ्ग गुरुङ र सञ्चारकर्मी धन बस्नेतले पुरस्कार प्रदान गरेका थिए ।