फुटबलर सनिशलाई सर्वोत्कृष्ठ वर्ष खेलाडी सम्मान

पोखरा-फुटबलर सनिश श्रेष्ठलाई सम्मान गरिएको छ । २४ औं संस्करणको आहा रारा पोखरा गोल्डकपको उदघाटन समारोहका फुटबलर श्रेष्ठलाई सहारा सर्वोत्कृष्ठ खेलाडीबाट सम्मानित गरिएको हो । सहारा क्लबले वर्षेनी आयोजना गर्ने आहा रारा गोल्डकपमा सर्वोत्कृष्ठ वर्ष खेलाडी सम्मान गर्दै आएको छ ।

श्रेष्ठलाई नगद ५० हजार ५ सय ५५ रुपैयाँसहित दोसल्ला र सम्मानपत्रबाट सम्मानित गरिएको थियो । पोखरा महानगरपालिका प्रमुख धनराज आचार्य, सहारा क्लब पोखराका अध्यक्ष केशव बराल लगायतले सम्मान गरेका थिए । सर्वोत्कृष्ठ वर्ष खेलाडी सम्मानलाई क्लबका मानार्थ सदस्य खेमबहादुर गुरुङले प्रायोजन गर्दै आएका छन् ।