तेस्रो संस्करणको एट ए साईड भेट्रान्स चैत अन्तिम साता

पोखरा-अमरसिंह ब्वाईज क्लबले यही चैत अन्तिम साता ८ ए साईड भेट्रान्स फुटबल प्रतियोगिताको तेस्रो संंस्करण आयोजना गर्ने तयारी गरेको छ । क्लबले आज आयोजित पत्रकार सम्मेलनमा जानकारी दिदैं क्लबले चैत २७ गतेदेखि ३० गतेसम्म आयोजना गर्ने सार्वजनिक गरेको हो ।

प्रतियोगितामा नेपालका विभिन्न १४ टिमको सहभागिता रहने क्लबका अध्यक्ष एवं संयोजक राजेश गुरुङले बताए । तेस्रो संस्करणको प्रतियोगितालाई क्लबले पोखरा रंगशालामा आयोजना गर्ने तयारी गरेको हो । यस अघिका दुई संस्करण पोखराको अमरसिंह चौरमा सम्पन्न गरेको हो ।

प्रतियोगितामा विजेताले १ लाख ५५ हजार ५ सय ५५ रुपैयाँ प्राप्त गर्ने छ । उपविजेताले ७७ हजार ७ सय ७७ रुपैयाँ प्राप्त गर्ने छ । प्रतियोगिताको लागि क्लबले १३ लाख ६७ हजार रुपैयाँ खर्च हुने अनुमान गरिएको छ ।